Gujarati News

Gujarati News

News of Thursday, 16th May 2019

રવિવારે 'એકઝીટ પોલ'ના ઢોલ વાગશેઃ આવતા ગુરૃવારે પરિણામના પોખણા

વિશ્વના સૌથી મોટા લોકશાહી દેશનું ભાવિ જાહેર થવા આડે હવે માત્ર એક અઠવાડિયું બાકીઃ ર૩ મીએ લોકસભાની ચૂંટણીની મત ગણતરી

રાજકોટ, તા., ૧૬: વિશ્વના સૌથી મોટા લોકશાહી દેશ ભારતમાં સંસદની ચુંટણી પ્રક્રિયા અંતિમ તબક્કામાં છે. અત્યાર સુધીમાં ૬ તબક્કા પુરા થઇ ગયા છે. સાતમો તબક્કો તા.૧૯મીએ છે. તે દિવસે સાંજે ૬ વાગ્યે મતદાન પુરૃ થયા બાદ તુરત વિવિધ સમાચાર સંસ્થાઓ અને અન્ય એજન્સીઓના એકઝીટ પોલ આવવા લાગશે. તા.ર૩મીએ સવારે ૮ વાગ્યાથી મત ગણત્રી છે. તે દિવસે મત મશીનમાંથી કરોડો લોકોની પસંદગી બહાર આવશે. હવે આતુરતાના અંત આડે માત્ર એક અઠવાડીયું બાકી રહયું છે.

મતદાન પહેલા થતા સર્વેને ઓપીનીયન પોલ કહેવામાં આવે છ. મતદાન પુરૃ થયા બાદ મતદારોને પુછીને કાઢવામાં આવતા તારણને એકઝીટ પોલ તરીકે ઓળખવામાં આવે છે. ચુંટણી પંચના નિયમ મુજબ મતદાન બાકી હોય ત્યાં સુધી પોલનું પરીણામ જાહેર થઇ શકતું નથી. રવિવારે સાંજે મતદાન પુરૃ થયા બાદ પરંપરાગત રીતે એકઝીટ પોલ સામે આવવા લાગશે. એકઝીટ પોલ ભુતકાળમાં સત્ય, અસત્ય કે અર્ધસત્ય સાબીત થયાના દાખલા છે. એકઝીટ પોલના આધારે પરીણામનું અનુમાન થઇ શકે છે. દેશના લોકો શું ઇચ્છે છે? તે તો તા.ર૩મીએ જ ખ્યાલ આવશે.

લોકસભાની ચુંટણી માટે ૧૦ માર્ચે ચુંટણી જાહેર થયેલ. અત્યાર સુધીમાં એપ્રિલ મહિનાની તા.૧૧, ૧૮, ર૩ અને ર૯ તથા મે મહિનાની તા.૬ અને ૧રના દિવસે જુદા જુદા રાજયોમાં મતદાન થઇ ગયું છે. બાકી રહેતી પ૯ બેઠકો માટે તા.૧૯મીએ મતદાન થનાર છે. અત્યાર સુધીમાં લગભગ તમામ રાજયોમાં ૬૦ થી ૬પ ટકા જેટલું મતદાન થયું છે. ર૩મીએ મત મશીન ખુલે ત્યારે ભારતના ભાવી શાસક કોણ? તેનો ખ્યાલ આવશે. આતુરતાના અંતનો આરંભ થઇ ચુકયો છે.

એક નઝર ઇધરભી

કીસીને પૂછા,

ઇસ દુનિયા મેં આપ કા

અપના કૌન હૈ ?

મૈંને હંસકર કહા 'સમયે,

અગર વો સહી તો

સભી અપને,

વરના કોઇ નહિ !

મતદાનના ૭ તબક્કા

૧૧             એપ્રિલ

૧૮             એપ્રિલ

ર૩             એપ્રિલ

ર૯             એપ્રિલ

૬              મે

૧ર             મ

૧૯             મે

(11:26 am IST)
  • વડાપ્રધાને તમને કહેલ કે તેઓ પોતે તમારા બધાના ખાતામાં ૧૫ લાખ નાખશે અને ભાજપના રાષ્ટ્રીય અધ્યક્ષ કહે છે કે તે ચૂંટણી જુમલો હતોઃ શું તમે ફરીથી તેઓ ઉપર ભરોસો કરશો?: પ્રિયંકા તુટી પડયા : ઉત્તરપ્રદેશના મહારાજગંજમાં કોંગ્રેસ મહામંત્રીના ચાબખા access_time 4:33 pm IST

  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • અમેરિકના પ્રાંત અલબામામાં ગર્ભપાત પર લાગ્યો પ્રતિબંધ :આરોપી ડોક્ટરને મળશે 99 વર્ષની જેલસજા :અલબામાની સેનેટે ગર્ભપાત પર પ્રતિબંધવાળા વિધેયકને પસાર કર્યો ; વિધેયકની જોગવાઈ મુજબ ગર્ભપાત કરનાર ડોક્ટરને 99 વર્ષની જેલ થશે access_time 1:06 am IST