Gujarati News

Gujarati News

News of Wednesday, 15th May 2019

અમે ગુજરાતમાં નાગોને દૂધ પીવડાવ્યું,તેમને અમને કરડવાનું કામ કર્યું :હાર્દિક પટેલના ભાજપ પર પ્રહાર

જે પાર્ટી ભગવાન રામની નથી થઇ તે દેશની જનતાની કઈ રીતે થઇ શકે છે.?

નવી દિલ્હી :લોકસભા ચૂંટણીના સાતમા તબક્કાનું મતદાન બાકી છે. ભાજપથી લઈને કોંગ્રેસ, સપા, બસપા ગઠબંધનના દિગ્ગજ નેતાઓ મતદારોને પોતાની તરફ ખેંચવાનો પ્રયાસ કરી રહ્યા છે. ગુજરાતના પાટીદાર નેતા હાર્દિક પટેલે જન અધિકાર પાર્ટી ઉમેદવાર શિવકન્યાના સમર્થનમાં ચંદોલી જિલ્લામાં એક જનસભાને સંબોધન કર્યું હતું જેમાં ભાજપ પર જોરદાર પ્રહાર કર્યા હતા.

  કોંગ્રેસના સ્ટાર પ્રચારક હાર્દિક પટેલે ચંદોલીમાં જનસભાને સંબોધન કરતા ભાજપની મોદી સરકારને દરેક મોરચે નિષ્ફળ સરકાર ગણાવી છે.હાર્દિક પટેલે ભાજપની તુલના સાપ સાથે કરતા કહ્યું કે અમે ગુજરાતમાં નાગપંચમીને દિવસે નાગોને દૂધ પીવડાવ્યું, પરંતુ તેમને અમને જ કરડવાનું કામ કર્યું હતું

 હાર્દિક પટેલ કહ્યું હતું કે . ગુજરાતમાં આરક્ષણ હક માંગવા પર ઓબીસી લોકો પર ગોળીઓ ચલાવવામાં આવી, જેમાં 17 લોકોનો જીવ ગયો. કેન્દ્ર અને ઉત્તરપ્રદેશ સરકાર પર પ્રહાર કરતા તેમને કહ્યું કે કેન્દ્રમાં 22 લાખ અને ઉત્તરપ્રદેશમાં દોઢ લાખ સરકારી પદો ખાલી પડ્યા છે, તેને હજુ સુધી ભરવામાં નથી આવ્યા. જે પાર્ટી ભગવાન રામની નથી થઇ તે દેશની જનતાની કઈ રીતે થઇ શકે છે.

(11:42 am IST)
  • રાજકોટમાં અતુલ મોટર્સનો કર્મચારી પાર્થ ઠાકર ૨૨૫ ગ્રાહકોના વીમા પ્રિમિયમના ૧૯.૬૦ લાખ 'ખાઇ' ગયો!: ઇન્સ્યુરન્સ એકઝીકયુટિવ તરીકે કામ કરતાં વિશ્વનગરના બ્રાહ્મણ શખ્સે ૨૦૧૬ થી ૨૦૧૮ સુધીમાં ગ્રાહકોની વિમા પ્રિમીયમની રકમ ઉઘરાવી જમા જ ન કરાવીઃ કંપનીના સીઇઓ સમર્થ ચાંદ્રાની એ-ડિવીઝનમાં ફરિયાદઃ આરોપી સકંજામાં access_time 11:22 am IST

  • દિલ્હીમાં ફેરમતદાનનો આદેશ :ઓફિસરોની ભૂલને કારણે ચૂંટણી પંચનો નિર્ણંય :ચૂંટણીપંચે દિલ્હીના ચાંદની ચોકના એક બૂથમાં રી-પોલિંગ કરાવવા આદેશ કર્યો access_time 1:16 am IST

  • ચૂંટણી પંચની આકરી કાર્યવાહી બાદ મમતા બેનર્જી ધુંવાફુંવા :કહ્યું પીએમ નરેન્દ્રભાઈ મોદીને હટાવો;દેશ બહાર કાઢી મુકો :કોલકતામાં થયેલી હિંસાના વિરોધમાં પદયાત્રા કર્યા બાદ મમતાએ કહ્યું કે મોદીએ મારા બંગાળ અને બંગાળીયતનું અપમાન કર્યું :મમતાએ એવો પણ આરોપ લગાવ્યો કે અમિતભાઇ શાહના રોડ શોમાં 15 થી 20 કરોડનો ખર્ચ થયો access_time 1:18 am IST