Gujarati News

Gujarati News

News of Wednesday, 15th May 2019

હવે એસીને ર૪ ડીગ્રી પર ફીકસ નહીં કરાય

એસીનું ઉષ્ણતામાન ફીકસ કરીને ઉર્જા બચતની યોજના હતી

નવી દિલ્હી તા. ૧પ :.. ઉર્જા વપરાશમાં ઘટાડો કરવા માટે એર કંડીશનના ઉષ્ણતામાનને ર૪ સેન્ટીગ્રેડ રાખવાની યોજનાને કેન્દ્ર સરકારે કેન્સલ કરી છે.

ઉર્જા ક્ષેત્રે કામ કરતી એજન્સીઓ અને નિષ્ણાતોઓ સરકારને આ સલાહ આપી હતી. શરૂઆતમાં તો આ બાબતે સંમતિ સધાઇ હતી પણ પછી ઘણા તબકકાના વિચાર વિમર્શ પછી તેને ટાળવાનો નિર્ણય લેવાયો હતો. સૂત્રોનું કહેવું છે કે ઉદ્યોગ જગત આના માટે તૈયાર નહોતું. વન અને પર્યાવરણ મંત્રાલયે હમણા જ નેશનલ કુલીંગ પ્લાન બહાર પાડયો હતો. જેનો ઉદેશ એવો છે કે કુલીંગમાં ખર્ચ થતી ઉર્જાની ખપત કેમ ઘટાડવી.

બ્યુરોએ એક ઉપાય એવો સૂચવ્યો હતો કે એસીનું ન્યુનતમ ઉષ્ણાતામાન ર૪ ડીગ્રી નકકી કરી દેવામાં આવે. જેથી એવા એસી જ બને કે જેમાં ઉષ્ણતામાન ર૪ ડીગ્રીથી નીચે ન થઇ શકે. આના કારણે ઉર્જાની ખપતમાં બહુ જ બચત થાત. કેમ કે દેશમાં એસીનો ઉપયોગ બહુ ઝડપથી વધી રહ્યો છે. પછી તે ધંધાકીય હોય કે પછી અંગત.

કેન્દ્રીય વન અને પર્યાવરણ સચિવ સી. કે. મીશ્રાએ સ્વીકાર્યુ કે આ યોજના કેન્સલ કરવામાં આવી છે. તેમણે કહયું કે એસીનો ઉપયોગ કરનારા ફકત પ ટકા લોકો છે એટલે તેનાથી કોઇ ખાસ ઉર્જા બચતની શકયતા નહોતી. તેને અમલી બનાવવામાં ઉદ્યોગ જગત તરફથી પણ ઘણી મુશ્કેલીઓ જણાવવામાં આવી હતી. આના કારણે હાલમાં તેને કૂલીંગ એકશન પ્લાનમાં નથી લેવામાં આવી.

(11:18 am IST)
  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • નકલી બિયારણકાંડઃ કૃષિ વિભાગે તપાસ શરૂ કરી :ગાંધીનગરના માણસામાં બિયારણની દુકાનમાંથી મળી ૧૦ બિયારણની નકલી થેલીઓ મળી આવી હતીઃ ખાતરકાંડ બાદ સૌથી મોટો ઘટસ્ફોટ access_time 3:56 pm IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST