Gujarati News

Gujarati News

News of Wednesday, 15th May 2019

પંજાબ કોંગ્રેસમાં જૂથબંધી :નવજોતસિંહ સિદ્ધુ પોતાના જ રાજ્યમાં ખામોશ રહેશે :સિદ્ધુની પત્નીએ કર્યો મોટો ખુલાસો

કેપ્ટનસાહેબે અને આશાકુમારીએ તમામ બેઠકો પર પાર્ટીની જીતજવાબદારી લીધી છે તો સિદ્ધુની શું જરૂર છે

અમૃતસર ;પંજાબ કોંગ્રેસમાં જૂથબંધી બહાર આવવા લાગી છે જેનો ભોગ કોંગ્રેસના સ્ટાર પ્રચારક અને પંજાબના કેબિનેટ મંત્રી નવજોતસિંહ સિદ્ધુ બન્યો હોવાનું બહાર આવ્યું છે જેના કારણે સિદ્ધુ પોતાના જ ગૃહ રાજ્ય પંજાબમાં ચૂંટણી પ્રચાર નહીં કરે

 કોંગ્રેસના સ્ટાર પ્રચારક અને પંજાબના કેબિનેટ મંત્રી નવજોતસિંહ સિદ્ધુ પોતાના જ ગૃહ રાજ્ય પંજાબમાં ચૂંટણી પ્રચાર નહીં કરે. કારણ કે મુખ્યમંત્રી અમરિન્દર સિંહે તેમને પ્રચાર કરવાનું કહ્યું નથી. તેમની પત્ની અને ભાજપના પૂર્વ ધારાસભ્ય નવજોતકૌરે આ વાત જણાવી હતી . 

એવા અહેવાલો હતાં કે સિદ્ધુની ખરાબ તબિયતના કારણે તેઓ પ્રચાર કરી શકે તેમ નથી. પરંતુ હવે પત્નીએ સિદ્ધુને પંજાબમાં પ્રચાર કરવાની મંજૂરી ન આપવા બદલ પાર્ટીના પંજાબ પ્રભારી આશાકુમારીને પણ જવાબદાર ઠેરવી દીધા છે.

અહીં તેમણે પત્રકારોને જણાવ્યું કે, "કેપ્ટન સાહેબ નાના કેપ્ટન છે અને રાહુલ ગાંધી સૌથી મોટા કેપ્ટન છે અને તેમણે તેમને (સિદ્ધુ) અન્ય રાજ્યોમાં જવાબદારી સોંપી છે તથા નવજોત (સિદ્ધુ) ત્યાં ચૂંટણી પ્રચારમાં વ્યસ્ત છે."

નવજોતકૌરે કહ્યું કે, 'જ્યારે કેપ્ટનસાહેબે અને આશાકુમારીએ તમામ (13) બેઠકો પર પાર્ટીની જીત સુનિશ્ચિત કરવાની જવાબદારી લીધી છે, તો પછી પંજાબમાં ચૂંટણી પ્રચાર માટે નવજોત (સિદ્ધુ)ની શું જરૂર છે?' ક્રિકેટરમાંથી રાજનેતા બનેલા સિદ્ધુ પટણા સાહિબથી પાર્ટીના ઉમેદવાર શત્રુઘ્ન સિન્હાના સમર્થનમાં એક રેલીને સંબોધવા માટે મંગળવારે જ બિહાર જવા માટે રવાના થઈ ગયાં. 

(12:00 am IST)
  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST

  • રાજકોટમાં અતુલ મોટર્સનો કર્મચારી પાર્થ ઠાકર ૨૨૫ ગ્રાહકોના વીમા પ્રિમિયમના ૧૯.૬૦ લાખ 'ખાઇ' ગયો!: ઇન્સ્યુરન્સ એકઝીકયુટિવ તરીકે કામ કરતાં વિશ્વનગરના બ્રાહ્મણ શખ્સે ૨૦૧૬ થી ૨૦૧૮ સુધીમાં ગ્રાહકોની વિમા પ્રિમીયમની રકમ ઉઘરાવી જમા જ ન કરાવીઃ કંપનીના સીઇઓ સમર્થ ચાંદ્રાની એ-ડિવીઝનમાં ફરિયાદઃ આરોપી સકંજામાં access_time 11:22 am IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST