Gujarati News

Gujarati News

News of Wednesday, 15th May 2019

મધર્સ ડેના દિવસે આયરલ લેડી અને નાગરિક અધિકારો માટે લાંબી લડત ચલાવનાર ઇરોમ શર્મિલાઅ જોડિયા બાળાઓને જન્મ આપ્યો

બેંગલુરુઃ મધર્સ ડેના દિવસે આયરલ લેડી અને નાગરિક અધિકારો માટે લાંબી લડત લડરનારી ઈરોમ શર્મિલાને બેવડો આનંદ પ્રાપ્ત થયો છે. તેણે 46 વર્ષની વયે બેંગલુરુની એક ખાનગી હોસ્પિટલમાં રવિવાર(12 મે)ના રોજ જોડીયા બાળકીને જન્મ આપ્યો છે. 'ક્લાઉડ નાઈન ગ્રૂપ ઓફ હોસ્પિટલ'ના ડોક્ટરોએ જણાવ્યું કે, બાળકીઓ અને માતા બંનેની તબિયત સારી છે. ડોક્ટર શ્રીપદા વિનેકરે જણાવ્યું કે, 'જોડિયા બાળકોને કારણે અમારે સી સેક્શન કરવું પડ્યું હતું. બાળકીઓ અત્યંત સુંદર અને સ્વસ્થ છે. શર્મિલા ગર્ભવતી બન્યા પછી સળંગ 9 મહિના સુધી હોસ્પિટલમાં તબીબોની દેખરેખ હેઠળ જ રહી હતી.'

હોસ્પિટલના નિર્દેશક નિતિન નાગે જણાવ્યું કે, પ્રથમ બાળકીનો જન્મ સવારે 9.21 કલાકે થયો અને તેનું વજન 2.15 કિગ્રામ છે. બીજી બાળકીનો જન્મ 9.22 કલાકે થયો અને તેનું વજન 2.14 કિગ્રા છે. માતા-પિતાએ બાળકીઓનું નામ શાખી અને ઓટમ તારા રાખ્યું છે.

ઉલ્લેખનીય છે કે, મણિપુરમાં શસસ્ત્ર દળો વિશેષ અધિકાર અધિનિયમને દૂર કરવાની માગ સાથે ઈરોમ શર્મિલા 16 વર્ષ સુધી ભૂખ હડતાળ પર રહી હતી. તેણે 2017માં તમિલનાડુના કોડાઈકેનાલમાં રહેતા ડેસમંડ એન્થોની બેલાર્નીન કોટિન્હો સાથે લગ્ન કર્યા હતા. શર્મિલાને મણિપુરની "આયર્ન લેડી" તરીકે ઓળખવામાં આવે છે.

તેણે 2016માં પોતાની ભૂખ હડતાળ સમાપ્ત કરી હતી. મુખ્યમંત્રી ઓકરમ ઈબોબી સિંહ સામે 2017ની વિધાનસભા ચૂંટણી પણ તેણે લડી હતી. જોકે, તેનો પરાજય થયો હતો.

(4:53 pm IST)
  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST

  • નરેન્દ્રભાઇ આજે ચંદોલી ખાતેની રેલીમાં આકરા અંદાજમાં જોવા મળ્યા હતાઃ તેમણે કહયું કે ગત ચુંટણીમાં : ૮-૧૦-૨૦-૨૨ કે ૩૦-૩૫ બેઠકો મેળવનારાઓ આ દેશમાં વડાપ્રધાન બનવાના સપના જોઇ રહયા છેઃ પણ દેશ આખો એકી અવાજે કહી રહયો છે ' ફીર એક બાર મોદી સરકાર' access_time 4:32 pm IST