Gujarati News

Gujarati News

News of Wednesday, 15th May 2019

રાજસ્થાનના અલવરમાં સરકારી હોસ્‍પિટલમાં મહિલાને હવસખોરોએ પીંખી નાખીઃ આરોપી ઝડપાયો

અલવરઃ રાજસ્થાનના અલવરમાં બળાત્કારનો વધુ એક કેસ બહાર આવ્યો છે. અલવરના કઠુમર કસબામાં રાજકીય સરકારી હોસ્પિટલમાં 7 મેના રોજ એક દલિત મહિલાને હવસખોરોએ પીંખી નાખી હતી. પોલીસે પકડેલા આરોપી રામનિવાસ ગુર્જરને પોલિસ મંગળવારે કોર્ટમાં રજૂ કરશે. આ અગાઉ, શનિવારે આ કેસમાં એક અન્ય આરોપીને 15 દિવસની પોલિસ કસ્ટડીમાં મોકલવામાં આવ્યો હતો.

પીડિતાએ ગુરૂવારે કઠુમર કસબાના પોલિસ સ્ટેશનમાં ફરિયાદ નોંધાવી હતી, જેમાં તેણે જણાવ્યું હતું કે, તે 5 મેના રોજ પોતાની પુત્રવધુની ડિલીવરી કરાવવા માટે કઠુમર ખાતેની સરકારી હોસ્પિટલમાં ગઈ હતી, જ્યાં તેની સાથે જાતીય અત્યાચાર ગુજારવામાં આવ્યો છે.

ડિલીવરી રૂમમાં ગુજાર્યો બળાત્કાર

પીડિતાએ જણાવ્યું કે, 7 મેની રાત્રે 8 કલાકે એક પુરુષ નર્સ ત્યાં ડ્યુટી પર તૈનાત હતો. પ્રસુતાના નામના કાગળ બનાવવા માટે તે મહિલાને ડિલીવરી રૂમમાં લઈ ગયો હતો. અહીં એક એમ્બ્યુલન્સ ડ્રાઈવર પહેલાથી જ હાજર હતો. મહિલા જેવી ડિલીવરી રૂમમાં પ્રવેશી, પુરુષ નર્સે ગેલેરીનો ગેટ બંધ કરી દીધો હતો અને તેને પથારીમાં પછાડી દીધી હતી. ત્યાર પછી ડ્રાઈવરે તેના પર બળાત્કાર ગુજાર્યો હતો.

પછી પુરુષ નર્સે પણ તેના પર બળજબરી કરવાનો પ્રયાસ કર્યો, પરંતુ તેણે પુરુષ નર્સને લાત મારીને નીચે પાડી દીધો હતો. ત્યા પછી ઊભી થઈને દૂર ભાગી ગઈ હતી. બંનેએ તેના લાફા માર્યા અને તેને ધમકી આપી કે જો આ ઘટના અંગે કોઈને જણાવ્યું તો તેની પુત્રવધુનો ડિલીવરીનો કેસ ખરાબ કરી દેશે, નવજાતને મારી નાખશે.

આથી, ડરી ગયેલી મહિલાએ એ સમયે પોતાનું મોઢું બંધ રાખ્યું હતું. પુત્રવધુની ડિલીવરી થઈ ગયા પછી તેને વહેલી રજા અપાવીને સુરક્ષિત ઘરે પહોંચી ગઈ હતી. ઘરે પહોંચ્યા પછી પીડિતાએ બીજા દિવસે પોલીસમાં ફરિયાદ નોંધાવી હતી. પોલીસે ગુરૂવારે રિપોર્ટ દાખલ કરીને પીડિત મહિલાની મેડિકલ તપાસ કરાવી છે અને ઘટનાની તપાસ શરૂ કરી છે. મહિલાની ફરિયાદને આધારે પોલીસે બંને આરોપી એમ્બ્યુલન્સ ચાલક અને પુરુષ નર્સની ધરપકડ કરી લીધી હતી.

(4:52 pm IST)
  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST

  • વડાપ્રધાને તમને કહેલ કે તેઓ પોતે તમારા બધાના ખાતામાં ૧૫ લાખ નાખશે અને ભાજપના રાષ્ટ્રીય અધ્યક્ષ કહે છે કે તે ચૂંટણી જુમલો હતોઃ શું તમે ફરીથી તેઓ ઉપર ભરોસો કરશો?: પ્રિયંકા તુટી પડયા : ઉત્તરપ્રદેશના મહારાજગંજમાં કોંગ્રેસ મહામંત્રીના ચાબખા access_time 4:33 pm IST

  • ઇશ્વરચંદ્ર વિદ્યાસાગરનું નવું પૂતળું બનાવી આપવાની નરેન્દ્રભાઇની જાહેરાત મમતાએ ફગાવી દીધી : અમારે કોઇ મદદ જોઇતી નથી : તમે (ભાજપ) લોકોએ જ પૂતળું તોડ્યું છે : ભાજપે આ કર્યું છે તે વાત બંગાળની પ્રજા કયારેય ભૂલશે નહિ : મમતા દીદી આક્રમૂક મૂડમાં access_time 4:30 pm IST