Gujarati News

Gujarati News

News of Friday, 16th April 2021

ધંધામાં નુકસાન થતાં પત્નીને મિત્રો સાથે શારીરિક સંબંધ બનાવવા માટે દબાણ કરતો હતો પતિ

લખનઉ,તા.૧૬: લખનઉથી એક આશ્ચર્યજનક કિસ્સો બહાર આવ્યો છે. જયાં એક વ્યકિત પોતાની પત્ની પર કેટલાક લોકો સાથે શારીરિક સંબંધ બાંધવા દબાણ કરતો હતો. આ સાથે તે પત્નીને ત્રણ તલાક આપી દેવાની ધમકી પણ આપી રહ્યો છે. પીડિત મહિલા પોલીસ મથકે ગઈ હતી અને આ મામલે ફરિયાદ નોંધાવી હતી. પોલીસે આ મામલાની તપાસ શરૂ કરી છે.

મળતી માહિતી પ્રમાણે લખનઉના ઠાકુરગંજના ડાલીગંજ પોલીસ સ્ટેશન વિસ્તારમાં રહેતા એક વ્યકિતએ વર્ષ ૨૦૧૮માં એક વિધવા મહિલા સાથે લગ્ન કર્યા હતા. મહિલાનો આરોપ છે કે આ લગ્ન માટે જે વ્યકિત આરોપી છે તેણે તેના બનાવટી માતા-પિતા બનાવ્યા હતા. જયારે પીડિતાને આ વિશે જાણ થઈ ત્યારે તેણે તેનો વાંધો ઉઠાવ્યો. ત્યારબાદ આ બાબતે આરોપીએ તેને જોરદાર માર માર્યો હતો.

પીડિતાએ આરોપ લગાવ્યો છે કે લગ્ન પહેલા વ્યકિતએ તેને તેના પ્રેમની જાળમાં ફસાવી હતી, ત્યારબાદ તેની સાથે અનેક વખત બળાત્કાર ગુજાર્યો હતો અને ગર્ભપાત પણ કરાવ્યો હતો. જયારે તે લોકડાઉનમાં ધંધો ગુમાવી બેઠો ત્યારે તેણે તેના મિત્રો સાથે શારિરીક સંબંધ રાખવા દબાણ કરતો હતો.

મહિલાએ આરોપી પતિ વિરુદ્ઘ લખનઉના ઠાકુરગંજ પોલીસ સ્ટેશનમાં એફઆઈઆર નોંધાવી છે. હવે પોલીસ આ મામલે તપાસ કરી રહી છે. પોલીસે આરોપીને પૂછપરછ માટે પોલીસ સ્ટેશન બોલાવ્યો હતો. પોલીસનું કહેવું છે કે આ મામલો ટૂંક સમયમાં ઉકેલી લેવામાં આવશે. એડીસીપી રાજેશ શ્રીવાસ્તવના જણાવ્યા મુજબ મહિલાએ પ્રેમમાં ફસાવીને લગ્ન ગર્ભપાત અને મિત્રો સાથે શારીરિક સંબંધ બાંધવા જેવા ગંભીર આક્ષેપો કર્યા છે.

(10:29 am IST)