Gujarati News

Gujarati News

News of Friday, 16th April 2021

કોરોનાના વધતા પ્રકોપને પગલે ફરીથી તાજમહેલ અને લાલકિલ્લા સહિતની ઐતિહાસિક ઇમારતો બંધ રખાશે

સંસ્કૃતિ અને પર્યટન મંત્રાલયનાં ભારતીય પુરાતત્વ સર્વેક્ષણ વિભાગ દ્વારા સંરક્ષિત તમામ સ્મારકોને આગામી 15 મે સુધી બંધ રાખવા નિર્ણય

નવી દિલ્હી : દેશમાં કોરોનાનો પ્રકોપ વધ્યો છે વિવિધ રાજ્યોની સરકારો પણ પ્રતિબંધો લગાવવા માટે મજબુર બની છે. હવે કોરોનાનાં વધી રહેલા પ્રકોપને જોતા સંસ્કૃતિ અને પર્યટન મંત્રાલયનાં ભારતીય પુરાતત્વ સર્વેક્ષણ વિભાગ દ્વારા સંરક્ષિત તમામ સ્મારકોને આગામી 15 મે સુધી બંધ રાખવાનો નિર્ણય કર્યો છે.

કેન્દ્રીય સંસ્કૃતિ અને પર્યટન વિભાગનાં મંત્રી પ્રહલાદ સિંહ પટેલે એક ટ્વીટ કરીને કહ્યું કે કોરોના રોગચાળાનાં વર્તમાન પ્રકોપને જોતા સંસ્કૃતિ અને પર્યટન મંત્રાલયનાં ભારતીય પુરાતત્વ સર્વેક્ષણ વિભાગ દ્વારા સંરક્ષિત તમામ સ્મારકોને આગામી 15 મે સુધી બંધ રાખવામાં આવશે.

કોરોના કેસ દેશભરમાં તીવ્ર ગતિએ વધી રહ્યા છે, જેનાથી સરકારની ચિંતા વધી છે. બુધવારે દેશમાં કોરોના વાયરસના આશરે બે લાખ નવા પોઝિટિવ કેસ નોંધાયા છે. તો બીજી તરફ મૃત્યુના કિસ્સાઓમાં પણ સતત વધારો થઇ રહ્યો છે. એક રિપોર્ટ અનુસાર ચાલું મહિનામાં એટલે કે, એપ્રિલ મહિનામાં કોરોનાના કેસોની સંખ્યા પ્રતિદિવસ પાંચ લાખ સુધી જઈ શકે છે. તો દિવસના ત્રણ હજાર લોકોના મૃત્યું થઈ શકે છે

(11:20 pm IST)
  • સીબીઆઈના પૂર્વ વડાનો કોરોનાએ જીવ લીધો : દેશની સર્વોચ્ચ જાસૂસી સંસ્થા સીબીઆઈના પૂર્વ વડા રણજીત સિંહાનું કોરોના પોઝીટીવ આવતા સારવાર દરમિયાન મૃત્યુ થયુ છે : એમનો કોરોના ડીટેકટ થયા પછી ૨૪ કલાકમાં જ દિલ્હી ખાતે તેમનું અવસાન થતા ઘેરા શોકની લાગણી પ્રસરી છે access_time 12:54 pm IST

  • રાજકોટ શહેર - જિલ્લામાં કોરોના ભયજનક સપાટીએ : આજે સાંજ સુધીમાં રાજકોટ શહેરમાં 698 અને ગ્રામ્યના 64 કેસ સાથે કુલ અધધધ 762 રેકર્ડબ્રેક નવા કોરોના ના કેસ નોંધાયા : લોકો ભયભીત access_time 7:41 pm IST

  • કર્ણાટકના મુખ્યમંત્રી ૭૮ વર્ષના યેદીયુરપ્પાને બીજી વખત કોરોના વળગ્યો છે : ગયા વર્ષના ૨જી ઓગષ્ટે તેમને પ્રથમ વખત કોરોના થયો હતો access_time 6:28 pm IST