Gujarati News

Gujarati News

News of Friday, 16th April 2021

સરપંચે ક્લાસમાં ઘૂસીને શિક્ષિકા સાથે દુષ્કર્મ આચર્યું

બહેને બૂમાબૂમ કરી તો ફરાર થયો : શિક્ષિકા સાથે દુષ્કર્મ આચરીને ફરાર થયેલા સરપંચે પીડિતાના પર્સનલ ફોટો વાયરલ કરવાની ધમકી આપી

પલવલ,તા.૧૫ : હરિયાણાના પલવલ જિલ્લાના એક ગામમાં સરપંચ સુંદર દ્વારા ક્લાસની અંદર ઘૂસીને મહિલા ટીચરની સાથે દુષ્કર્મ કરવા અને તેનું અપહરણ કરવાનો પ્રયાસનો મામલો સામે આવ્યો છે. ગદપુરી પોલીસ સ્ટેશનની હદમાં પીડિતાની ફરિયાદ પર વિભિન્ન કલમો હેઠળ કેસ નોંધી ફરાર આરોપી સરપંચની શોધખોળ શરૂ કરી દેવામાં આવી છે. એસઆઇ હનીશ ખાને જણાવ્યું કે, એક પીડિતા યુવતીએ ફરિયાદ નોંધાવી છે કે તે વિશ્વ વિદ્યાલયમાં ક્રેચના નાના બાળકોને ભણાવે છે. ૧૨ એપ્રિલની સવારે સાડા દસ વાગ્યે પીડિતા વિશ્વ વિદ્યાલયમાં બાળકોને ભણાવી રહી હતી. આ દરમિયાન દૂધૌલા ગામના સરપંચ સુંદર ક્લાસની અંદર આવ્યો અને શારીરિક સંબંધ બાંધવાની વાત કહેવા લાગ્યો.

આટલું કહીને તરત જ સરપંચે પીડિતાના કપડા ફાડી દીધા અને ધક્કો મારીને જમીન પર પછાડી દીધી અને બળજબરીથી દુષ્કર્મ આચર્યું. પીડિતાએ વિરોધ કર્યો તો સરપંચ બળજબરીથી ખેંચીને પોતાના કારમાં ધકેલવા લાગ્યો. આ દરમિયાન પીડિતાની બહેન આવી ગઈ જે વિશ્વ વિદ્યાલયમાં જ ભણે છે. પીડિતાએ બૂમાબૂમ કરી તો આરોપી સરપંચ ફોન કરવાને લઈ જીવથી મારી નાખવાની ધમકી આપતો ઘટનાસ્થળેથી ફરાર થઈ ગયો. ત્યારબાદ પીડિતા શિક્ષિકા તરફથી પોલીસ ફરિયાદ કરવામાં આવી. પોલીસને પીડિતાની ફરિયાદ પર કેસ નોંધી લીધો છે પરંતુ આરોપી સરપંચની ધરપકડ હજુ સુધી નથી થઈ શકી.

એવામાં પીડિતાએ જણાવ્યું કે તેને વારંવાર ધમકીઓ મળી રહી છે કે જો તેણે કેસ પાછો ન ખેંચ્ય તો તેના પર્સનલ ફોટો જે તેના ફોનમાં છે તેને ઇન્ટરનેટ પર વાયરલ કરી દેવામાં આવશે. કારણ કે પીડિતાનો ફોન હજુ આરોપી સરપંચની પાસે છે. પીડિતાએ આરોપીથી જીવનો ખતરો પણ છે. પીડિતાએ જણાવ્યું કે આરોપી સરપંચ પહેલા પણ તેની સાથે અનેકબાદ ગેરવર્તણૂક કરી ચૂક્યો હતો પરંતુ સમાજના ડરથી તે કંઈ કહી શકી નહોતી. બીજી તરફ, પોલીસે જણાવ્યું છે કે તેમણે આ મામલામાં અલગ-અલગ કલમો હેઠળ કેસ નોંધી દીધો છે. પોલીસ ૩૭૬, ૩૬૫, ૫૦૬, ૫૧૧ આઇપીસીની કલમો હેઠળ કેસ નોંધવામાં આવ્યો છે. આરોપી સરપંચને પોલીસ હજુ સુધી ઝડપી શકી નથી. પોલીસ મામલાની તપાસ કરી રહી છે અને ફરાર આરોપી સરપંચની શોધખોળ કરવામાં આવી રહી છે.

(12:00 am IST)
  • લોકડાઉનની અફવા ફેલાવનાર ટ્રાવેલ્સ સંચાલકની અટક ભરૂચમાં લોકડાઉનની અફવા ફેલાવનાર ટ્રાવેલ્સ સંચાલકની પોલીસે ધરપકડ કરી છે. લોકડાઉન થવાનું કહી પરપ્રાંતિય શ્રમજીવીઓની ટીકીટ બુક કરવામાં આવતી હોવાનું બહાર આવ્યું છે. સી ડિવિઝન પોલીસે તપાસ હાથ ધરી છે. access_time 6:29 pm IST

  • દેશમાં કોરોનાનો મહાભયાનક આતંક યથાવત : ભારતમાં છેલ્લા 24 કલાકમાં, એકજ દિવસમાં, અત્યાર સુધીના સર્વાધિક 2,32,000 થી વધુ નવા કોવિડ કેસ નોંધાયા અને 1325 થી વધુ કોરોનાગ્રસ્ત દર્દીઓ છેલ્લા 24 કલાકમાં દુઃખદ મૃત્યુ પામ્યા access_time 12:15 am IST

  • અકાલી દળના ટોચના નેતા અને પૂર્વ કેબીનેટ મંત્રી હરસીમરત કૌર બાદલને કોરોના પોઝીટીવ આવતા ચિંતાની લાગણી access_time 1:17 pm IST