Gujarati News

Gujarati News

News of Tuesday, 16th April 2019

નિરવ-માલ્યા જેવા ૩૬ આરોપીઓ દેશમાંથી છુ

ઇડીએ કોર્ટને આપી માહિતી

નવી દિલ્હી તા.૧૬: ઓગ્સટા વેસ્ટલેન્ડ હેલીકોપ્ટર કેસમાં ગીરફતાર કહેવાતા રક્ષા એજન્ટ સુશેન મોહન ગુપ્તા દ્વારા કરવામાં આવેલ જામીન અરજીનો વિરોધ કરતા ઇડીએ સોમવારે કહ્યું કે તે પણ બીજા ૩૬ વેપારીઓની જેમ દેશ છોડી ભાગી જાય તેવી શકયતા છે. ઇડીએ વિશેષ ન્યાયાધિશ અરવિંદ કુમારને જણાવ્યું કે વિજય માલ્યા અને નિરવ મોદી સહિત કુલ ૩૬ વેપારીઓ હાલમાં દેશમાંથી ફરાર થઇ ચૂકયા છે.

એજન્સીએ કહ્યું, ''માલ્યા, લલિત મોદી, મેહુલ ચોકસી, નિરવ મોદી અને સાંડેસરા બંધુઓના મૂળીયા સમાજમાં બહુઉંડા હતાં તેમ છતાં પણ તેઓ દેશ છોડીને ભાગી ગયા હતા. દેશ છોડીને ભાગી જનારા આવા ૩૬ વેપારીઓ છે. દલીલો દરમ્યાન ઇડીના વકીલ સંવેદના વર્માએ કોર્ટને જણાવ્યું કે કેસની તપાસ ખાસ તબક્કામાં છે અને એજન્સીએ જાણવાની કોશિષ કરી રહી છે કે ''આરજી'' કોણ છે જેનું નામ સુશેનની ડાયરીમાં લખેલું છે.

વર્માાએ ગુપ્તા પર આ કેસના સાક્ષીઓને પ્રભાવિત કરવાનો આરોપી મુકીને કોર્ટને જણાવ્યું કે તેણે કેસના સબૂતોનો નાશ કરવાનો પણ પ્રયત્ન કર્યો હતો. કોર્ટે ગુપ્તાની જામીન અરજી પર ચૂકાદો ૨૦ એપ્રિલ સુધી મુલતવી રાખ્યો હતો.

(11:27 am IST)
  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST