Gujarati News

Gujarati News

News of Tuesday, 16th April 2019

ગુજરાતના ૨૮ લાખ ખેડૂતોના બેંક ખાતામાં ચાલુ સપ્તાહે જ મોદીની યોજનાનો બીજો હપ્તો આવશે

મોદી સરકારે ૫૭૧ કરોડ જમા આપી દીધા હવે બીજા હપ્તાના ૫૭૧ આપવા તૈયારીઃ પાક વીમો નહિ મળવાથી નારાજ ખેડૂતોની વ્હારે રાજ્ય સરકારઃ રૂ. ૧૬૨૦ કરોડની સ્પે. ગ્રાન્ટ ફાળવી

નવી દિલ્હી, તા. ૧૬ :. એકબાજુ હજારો ખેડૂતો પાક વીમાના દાવા માટે ફાંફા મારી રહ્યા છે ત્યારે કેન્દ્ર સરકારે ગુજરાતના ૨૮ લાખ ખેડૂતોને પ્રધાનમંત્રી કિસાન સન્માન યોજના હેઠળ રૂ. ૫૭૧ કરોડ ચૂકવી દીધા છે અને બીજા રૂ. ૫૭૧ કરોડ આ સપ્તાહે વહેંચી દેવામાં આવશે તેવુ જાણવા મળે છે. આ સબસીડી ખેડૂતોના બેંક ખાતામાં સીધી જમા થઈ જશે. મોદી સરકારે આ યોજના હેઠળ દરેક ખેડૂતોને વર્ષે ૬૦૦૦ આપવાનું વચન આપ્યું છે. સરકારે પ્રથમ હપ્તાના રૂ.૨૦૦૦ જમા કરી દીધા છે. ખેડૂતોના ખાતામાં અને હવે બીજા હપ્તાના ૨ - ૨ હજાર ૨૬મીએ મતદાન થાય એ પહેલા ખેડૂતોના ખાતામાં જમા કરાવી દેવાશે. પાક વીમાના દાવાને લઈને ખેડૂતો નારાજ છે ત્યારે રાજ્ય સરકાર નારાજ ગ્રામિણ મતદારો માટે અન્ય સ્ત્રોતથી રાહત આપી રહી છે. ૯૩ તાલુકા કે જ્યાં અછત જાહેર થઈ છે ત્યાં ખેડૂતો માટે રૂ. ૧૬૨૦ કરોડની સ્પે. ગ્રાન્ટ રીલીઝ કરી છે અને તેણે રૂ. ૨૦૪૬ કરોડ પાક વીમાના પણ આપ્યા છે.

(10:39 am IST)
  • ઇલેક્શન કમિશને તામિલનાડુની વેલ્લોર લોકસભા બેઠકની ચૂંટણી રદ્દ કરી હોવાનું જણાવ્યું છે. access_time 10:55 pm IST

  • " ફેક ન્યુઝ " : બોગસ વોટિંગ માટે બનાવટી આંગળીઓ વપરાઈ રહી છે : પોલીંગ બુથ ઉપર બેઠેલા અધિકારીઓએ શાહીનું નિશાન કર્યા પછી આંગળી ખેંચી જોઈ ખાતરી કરવી : સોશિઅલ મીડિયામાં ફેસબુક અને ટ્વીટર ઉપર વાઇરલ થઇ રહેલા ન્યુઝ માં દર્શાવાતો ફોટો જાપાનની ગેંગસ્ટર માટેનો છે : તેને ભારતની લોકસભાની ચૂંટણીઓ સાથે કંઈ લેવા દેવા નથી : ટાઈમ્સ ફેક્ટ ચેકનો અહેવાલ access_time 6:40 pm IST

  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST