Gujarati News

Gujarati News

News of Tuesday, 16th April 2019

ભારતીય સ્ટેટ બેન્કની યોનો અેપ દ્વારા ડેબિટ કાર્ડ વગર અેટીઅેમમાંથી કેશ કાઢવાની સુવિધા

નવી દિલ્હી: ભારતીય સ્ટેટ બેંક (SBI)એ તાજેતરમાં જ પોતાના યોનો એપ દ્વારા ડેબિટ કાર્ડ વિના એટીએમમાંથી કેશ કાઢવાની સુવિધા પોતાના ગ્રાહકોને આપી છે. જોકે આ પહેલી બેંક નથી, જે ડેબિટ કાર્ડ વિના એટીએમમાંથી પૈસા કાઢવાની સુવિધા આપી રહી છે. એસબીઆઇ ઉપરાંત, ખાનગી ક્ષેત્રની બે બેંક આઇસીઆઇસીઆઇ અને એક્સિસ બેંક પણ આ સુવિધા પુરી પાડે છે, પરંતુ તેમની રીત એસબીઆઇ કરતાં અલગ છે. આ એકદમ સુવિધાજનક છે, પરંતુ તેની કેટલીક મર્યાદાઓ છે. આવો જાણીએ કાર્ડ વિના કેવી રીતે એટીએમમાંથી પૈસા કાઢી શકો.

1. એસબીઆઇના એટીએમમાંથી કાર્ડલેસ વિંડ્રોલ

જેમ કે તમને ખબર હશે કે એસબીઆઇના એટીએમમાંથી પૈસા કાઢવા માટે તમારે તેની યોનો એપનો ઉપયોગ કરવો પડે છે.

2. આઇસીઆઇસીઆઇ બેંકના એટીએમમાંથી કાર્ડલેસ વિડ્રોલ

આઇસીઆઇસીઆઇ બેંકના એટીએમમાંથી ડેબિટ કાર્ડના પૈસા કાઢવાની રીત થોડી અલગ છે. આ સુવિધા તે લોકોને મળે છે, જેમનું આ બેંકમાં સેવિંગ એકાઉન્ટ નથી. તેને આ પ્રકારે સમજીએ. ઉદાહરણ તરીકે આઇસીઆઇસીબેંકમાં સેવિંગ એકાઉન્ટ છે તમારું બાળક કોઇ બીજા શહેરમાં બહાર ગયું છે. અચાનક પૈસાની જરૂર પડે છે. એવામાં જો તમારી પાસે પોતાના બાળકનો નંબર છે તો તે કેટલીક પ્રક્રિયાઓનું પાલન કરી સરળતાથી આઇસીઆઇસીઆઇ બેંકના એટીએમમાંથી ડેબિટ કાર્ડનો ઉપયોગ કર્યા વિના પૈસા કાઢી શકે છે.

કાર્ડ વિના કેવી રીતે કાઢશો પૈસા

ICICI બેંકની વેબસાઇટ અનુસાર તમારે નેટબેકિંગ પોર્ટલ પર લોગઇન કરવું પડે છે અને કાર્ડલેસ કેશ વિડ્રોલ પ્રક્રિયા શરૂ કરવી પડે છે. નેટબેકિંગ પોર્ટલમાં લોગઇન કર્યા બાદ તમે સેવિંગ એકાઉન્ટમાં જાવ અને તે વ્યક્તિનું નામ અને તેનો મોબાઇલ નંબર નાખો, જેને તમે કાર્ડલેસ કેશ વિડ્રોલ સેવા દ્વારા પૈસા ટ્રાંસફર કરવા માંગો છો.

હવે 'ફંડ ટ્રાંસફર' ટેબને ક્લિક કરો અને કાર્ડલેસ કેશ વિડ્રોલ ઓપ્શન હેઠળ બેનિફિશિયરનું નામ સિલેક્ટ કરો. ત્યારબાદ, તમે ટ્રાંસફર કરવામાં આવનાર રકમ નાખો. સફળતાપૂર્વક ઓથેંટિકેશન બાદ જે રકમ તમે નાખી છે તે તમારા એકાઉન્ટમાંથી કપાઇ જશે.

હવે તમારે (સેંડર) મોબાઇલ પર આઇસીઆઇસીઆઇ બેંક દ્વારા એસએમએસ દ્વારા ચાર આંકડાનો એક યૂનિક કોડ મળશે અને તે સમયે બેનિફિશિયરને પણ તેના મોબાઇલ પર છ આંકડાનો યૂનિક કોડ મળશે.

ત્યારબાદ બેનિફિશિયરીને આઇસીઆઇસીઆઇ બેંકના એટીએમમાં પોતાનો મોબાઇલ નંબર, ચાર અને છ આંકડાનો વેરિફિકેશન કોડ (જે એસએમએસ દ્વારા મળે છે) અને કુલ રકમ નાખવી પડશે.

(12:00 am IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST

  • કુવાડવામાં વરસાદ ચાલુ : રાજકોટના રૈયા ગામ અને સૌરાષ્‍ટ્ર યુનિવર્સિટીમાં વરસાદ ચાલુ access_time 4:13 pm IST