Gujarati News

Gujarati News

News of Monday, 15th April 2019

ઝારખંડઃ ત્રણ નકસલી ઠારઃ એક જવાન શહીદ

ભારે માત્રામાં જપ્તઃ સર્ચ ઓપરેશન શરૂ

નવીદિલ્હી, તા.૧૫: ઝારખંડના નકસલ પ્રભાવિત વિસ્તાર ગીરીડીહમાં સુરક્ષાદળોને મોટી સફળતા પ્રાપ્ત થઈ છે.ગીરીડીહમાં ભેલવા ખીણમાં થયેલી અથડામણ બાદ સીઆરપીએફના દળોએ ત્રણ માઓવાદી નકસલોને ઢાળી દીધા હતા. આ અથડામણમાં માર્યા ગયેલી નકસલવાદીઓ પાસેથી જંગી જથ્થામાં વિસ્ફોટકો, એક એકે-૪૭ રાઈફલ, ત્રણ કારતૂસ અને ચાર પાઈપ બોમ્બ સહિતના ઘાતક શસ્ત્રો મળ્યાં હતાં.

અહેવાલો અનુસાર આજે સવારે ૬.૧૫ કલાકની આસપાસ ગીરીડીહના વલ્લભાદ્યાટ વિસ્તારમાં સીઆરપીએફની સાતમી બટાલિયને નકસલી વિરુદ્ઘ ઓપરેશન શરૂ કર્યું હતું. આ ઓપરેશન બાદ સીઆરપીએફને ત્રણ નકસલીઓના મૃતદેહ હાથ લાગ્યા હતા. સીઆરપીએફના દળો અને નકસલો વચ્ચે થયેલા ભીષણ સામસામા ગોળીબારમાં સીઆરપીએફનો એક જવાન પણ શહીદ થયો હતો. આ અથડામણ પૂરી થયા બાદ જવાનોએ જંગલમાં સદ્યન સર્ચ ઓપરેશન હાથ ધર્યું છે.

ઝારખંડની રાજધાની રાંચીથી લગભગ ૧૮૫ કિ.મી. દૂર આવેલા ગીરીડીહ જિલ્લામાં બેલવા દ્યાટ વિસ્તારના જંગલોમાં આજે સવારે ૬.૧૫ કલાકની આસપાસ સીઆરપીએફની સાતમી બટાલિયનના જવાનો દ્વારા અભિયાન હાથ ધરવામાં આવ્યું હતું અને તેમાં મોટી સફળતા મળી હતી. આ અથડામણમાં મોટા પાયે સામસામા ગોળીબાર થયા હતા.

આ ગોળીબારમાં સીઆરપીએફનો એક જવાન પણ શહીદ થયો છે. અથડામણ બાદ સીઆરપીએફને ત્રણ નકસલીઓના મૃતદેહ હાથ લાગ્યા બાદ મોટા પાયે સર્ચ ઓપરેશન હાથ ધર્યું છે. આ સર્ચ ઓપરેશન હજુ જારી છે. અત્રે ઉલ્લેખનીય છે કે નકસલોએ લોકસભા ચૂંટણીનો બહિષ્કાર કરવાનું એલાન આપ્યું છે. ઝારખંડમાં ચોથા તબક્કામાં મતદાન યોજાનાર છે, પરંતુ નકસલોએ અત્યારથી લોકોને મતદાનમાં ભાગ નહીં લેવા ધાકધમકી આપવાનું શરૂ કરી દીધું છે અને સુરક્ષાદળો પર હુમલા પણ શરૂ કરી દીધા છે.(૨૨.૨૮)

(3:48 pm IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST