Gujarati News

Gujarati News

News of Monday, 15th April 2019

ઉત્તર પ્રદેશમાં મોદીની તસવીરો સાથેની રેલવે ટિકિટ વેચાઈ :તસ્વીર વાયરલ

બારાબંકીમાં રેલવે ટિકિટ ખરીદતા આગળની તરફ મોદીની તસવીર અને પાછળના ભાગે સ્કિમની માહિતી

લખનૌ :તાજેતરમાં રેલવેએ જાહેરાત કરી હતી કે આચાર સંહિતાનું ઉલ્લંઘન થતું હોવાથી પીએમ મોદીની તસવીર અને સરકારની વિવિધ સ્કિમોની માહિતી દર્શાવતી ટિકિટો પરત લેવામાં આવશે. જોકે, જાહેરાત પછી પણ ઉત્તર પ્રદેશમાં મોદીની તસવીરો સાથેની રેલવે ટિકિટ વેચાઈ રહી હોવાનું સામે આવ્યું છે. રવિવારે એક પ્રવાસીને રેલવે તરફથી મોદીની તસવીર અને સરકારની વિવિધ સ્કિમોની માહિતી આપતી તસવીર આપવામાં આવી હતી.

    રવિવારે બારાબંકી ખાતે એક વ્યક્તિએ રેલવેની ટિકિટ બુક કરી હતી. તંત્ર તરફથી તેને જે કાગળની ટિકિટ આપવામાં આવી હતી તેમાં નરેન્દ્ર મોદીની તસવીરની સાથે સાથે પ્રધાનમંત્રી આવાસ યોજના(ગ્રામ્ય) સ્કિમની માહિતી છાપવામાં આવી હતી. ટિકિટની આગળની તરફ મોદીની તસવીર અને પાછળના ભાગે સ્કિમની માહિતી આપવામાં આવી હતી.
  મોહમ્મદ શાબ્બર રીઝવીએ જણાવ્યું કે, "મેં બારાબંકીથી વારાણસી માટે ગંગા સતલજ એક્સપ્રેસની ટિકિટ લીધી હતી. મેં જ્યારે ટિકિટ ખરીદી ત્યારે મને માલુમ પડ્યું હતું કે ટિકિટ પર મોદીની તસવીર છપાયેલી હતી.

(12:18 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST