Gujarati News

Gujarati News

News of Monday, 15th April 2019

હવે બે કરોડનું ટર્ન ઓવર ધરાવતા કરદાતાઓ ઓફલાઇન GST રિટર્ન ફાઇલ કરી શકશે

મુંબઇ, તા.૧૫: ગુડ્ઝ એન્ડ સર્વિસ ટેકસમાં ૨૦૧૭-૧૮ના નાણાંકીય વર્ષમાં રૂ. ૨ કરોડથી વધુ ટર્ન ઓવર ધરાવતા કરદાતાઓએ ઓડીટ કરાવેલ હિસાબો માટેનું રિટર્ન તા.૩૦ જૂન સુધીમાં ફાઈલ કરવાના રહેશે. જીએસટીએન પોર્ટલ પર ઓડીટેડ હિસાબો માટેનું રિટર્ન ફાઈલ કરવા માટેના જીએસટી-૯ સીની યુટિલિટી અપલોડ કરવામાં આવી છે.

આ યુટિલિટી ઓફ લાઈન સ્વરુપે ઉપલબ્ધ થવાને લીધે કરદાતાઓને સરળતા રહેશે. આમ, કરદાતાઓએ ગત નાણાંકીય વર્ષના હિસાબો સી.એ., ટેકસ પ્રેકટીશનર્સ પાસે ઓડીટ કરાવ્યા પછી તા. ૩૦ જૂન સુધીમાં રિટર્ન ફાઈલ કરવાના રહેશે.

અગાઉ, અનઓડીટેડ હિસાબો માટેના રિટર્ન ફાઈલ કરવા માટેની તારીખ જાહેર કરી હતી. પરંતુ ઓડીટેડ હિસાબો માટેના રિટર્ન ફાઈલ કરવાની તારીખ જાહેર ન કરાઈ હોવાથી કરદાતાઓ અને ટેકસ પ્રેકટીશનર્સ અવઢવમાં હતા.

જીએસટીએન પોર્ટલ પર જીએસટી-૯ સીની યુટિલિટી અપલોડ કરાઈ છે. જેના લીધે રૂ. ૨ કરોડથી વધુ ટર્ન ઓવર ધરાવતા કરદાતાઓના વાર્,કિ હિસાબોનું ઓડીટ કરાવીને ઓડીટ રીપોર્ટ અને વાર્ષિક પત્રક તા. ૩૦ જૂન, ૨૦૧૯ સુધીમાં ફાઈલ કરવાના રહેશે. આ રિટર્ન ઓન લાઈન અને ઓફ લાઈન પણ ફાઈલ કરી શકાશે.

એડવાન્સ રુલિંગ એપ્લીકેશન ફોર્મ, નિકાસકારોને રીફંડનું ફોર્મ, જોબવર્ક સંબંધિત વ્યવહારોના ફોર્મ, જીએસટીના તમામ રિટર્નની યુટિલિટી ઓફ લાઈન સ્વરુપે પણ પૂરી પાડવાને લીધે કરદાતાઓને વધુ સરળતા રહેશે.

(12:00 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST