Gujarati News

Gujarati News

News of Monday, 15th April 2019

અમેરિકા અને બ્રિટન જેવા દેશો કરતાં

ભારતીય શેરબજારે આપ્યું સૌથી વધુ રિટર્ન

૧ વર્ષમાં સેન્સેકસે ૧૭.૩ ટકા તો નિફટીએ ૧૮.૯ ટકા રિટર્ન આપ્યુ

નવીદિલ્હી, તા.૧૫: ભારતીય શેરબજારનું પ્રદર્શન ગયા નાણાકીય વર્ષમાં દુનિયાના કેટલાય શેરબજારો કરતા સારૂ રહ્યું હતું.

૨૦૧૯ના માર્ચમાં પુરૃં થયેલ નાણાકીય વર્ષમાં વૈશ્વીક અને આંતરીક પડકારો વચ્ચે મુંબઇ શેર બજારના મુખ્ય સુચકાંક બીએસઇ  સેન્સેક્ષે ૧૭.૩ ટકાનું રીટર્ન, જયારે નેશનલ સ્ટોક એકસચેન્જના નિફટીમાં ૧૪.૯ ટકા રીટર્ન મળ્યું છે. આ પ્રદર્શન અમેરિકા, બ્રિટન, ચીન, બ્રાઝીલ, જાપાન, દક્ષિણ કોરીયા તથા હોંગકોંગ કરતા પણ સારૃં છે.

બજારમાંથી મોટી માત્રામાં નાણા મેળવવાની સાથે સાથે ભારતમાં શેરબજારનું કદ પણ વધ્યું છે. તેનું કદ ૬ ટકા વધીને ૧૫૧ લાખ કરોડ રૂપિયાથી પણ ઉપર પહોંચ્યું છે. આ ઉપરાંત મ્યુચ્યલ ફંડની સંપતિ ૧૧.૪ ટકા વધીને ૨૪ લાખ કરોડ રૂપિયા થઇ ગઇ છે. જયારે વિદેશી રોકાણકારોનું રોકાણ વધીને ૩૦ લાખ કરોડે પહોંચવા આવ્યું છે.

(12:00 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST