Gujarati News

Gujarati News

News of Monday, 15th April 2019

ભાજપનો એક જ હેતુઃ બધા ખેડૂતોને રાજી કરવા

કોઈપણ ખેડૂત પછી ભલે તે નાનો હોય કે મોટો તે પરેશાન થવો ન જોઈએ

નવી દિલ્હી, તા. ૧૫ :. ભાજપાએ પોતાના ચૂંટણી ઢંઢેરામાં કિસાન સમ્માન યોજના હેઠળ બધા ખેડૂતોને વાર્ષિક ૬૦૦૦ આપવાનું વચન આપ્યુ છે. ભાજપા આના દ્વારા એ પાકુ કરવા માંગે છે કે હાલની વ્યવસ્થામાં જે ખેડૂતોને આ યોજનાનો લાભ નથી મળતો તેવા ખેડૂતો તેનાથી નારાજ ન રહે. પક્ષના આ વચનનો એક ઉદ્દેશ એ પણ છે કે લાભાર્થીઓની ઓળખ કરવાની રાજ્યોની કામગીરી ઓછી થાય.

હાલમાં આ સ્કીમ હેઠળ ૧૨ કરોડ ખેડૂતો આવી જાય છે, જેમની પાસે બે હેકટરથી ઓછી જમીન છે. આ સ્કીમના વ્યાપમાંથી લગભગ ૨.૫ કરોડ ખેડૂતો બહાર રહી ગયા છે. ગૃહપ્રધાન અને ભાજપના મેનીફેસ્ટો કમીટીના અધ્યક્ષ રાજનાથસિંહે પત્રકારોને કહ્યું 'આગામી કાર્યકાળમાં દેશના દરેક ખેડૂતને વાર્ષિક ૬૦૦૦ રૂપિયા આપવાનું અમે વચન આપીએ છીએ. અમે ઈચ્છીએ છીએ કે ઈન્કમ સપોર્ટના રૂપમાં મળતી આ મદદ મેળવવામાં કોઈ ખેડૂતને તકલીફ ન પડે.'

તેમણે કહ્યું 'ગરીબોને મુદ્દો બનાવવાની જરૂર નથી, જરૂર તો સંપૂર્ણ સંકલ્પ અને દિલથી ગરીબી દૂર કરવા માટે કામ કરવાની અમે આ કામ કરી રહ્યા છીએ. ખેતી કરવામાં હવે કંઈ વળતર નથી રહ્યું, પણ અમે તેને ફાયદાકારક બનાવવાનો પ્રયત્ન કરી રહ્યા છીએ. એવા ઘણા ખેડૂતો છે જેમની મોટાભાગની જમીન સિંચાઈની સુવિધા વગરની છે તેમને આ સ્કીમથી ફાયદો થશે. કોંગ્રેસ પોતાના વચન દ્વારા ગરીબોને ગુમરાહ કરવાની કોશિષ કરી રહી છે. તેઓ દાયકાઓથી એ જ કરતા રહ્યા છે.'

(11:57 am IST)
  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST