Gujarati News

Gujarati News

News of Monday, 15th April 2019

લોકસભા ચૂંટણી બાદ કઈ પાર્ટીને સમર્થન કરશે કમલા હસન : આપ્યું મોટું નિવેદન :ભાજપ કોંગ્રેસ બંને સ્વીકાર્ય નથી પણ,,,

અમે ત્રીજો વિકલ્પ બનવા માંગીશું, પરંતુ અમે સ્થાનિક દળ છીએ અને તેનાથી અમે માહિતગાર છીએ

નવી દિલ્હીઃ લોકસભા ચૂંટણીને લઈ તમામ પાર્ટીઓએ પ્રસાર-પચાર તેજ કરી દીધો છે. દક્ષિણના રાજ્યોમાં ચૂંટણી જંગ ભારે રોચક જોવા મળી રહ્યો છે. મક્કાલ નીતિ માઈમ (MNM)ના નેતા અને દિગ્ગજ ફિલ્મ અભિનેતા કમલ હાસને લોકસભા ચૂંટણી બાદ રાષ્ટ્રીય દળોને સમર્થન આપવાના મુદ્દે મોટું નિવેદન આપ્યું છે. કમલ હાસને કહ્યું કે લોકસભા ચૂંટણી બાદ તેઓ ભાજપ અથવા કોંગ્રેસ સાથે જઈ શકે છે, પરંતુ તેમનું સમર્થન કેટલીક શરતોને આધિન રહેશે.

   કમલ હાસને કહ્યું કે તેઓ કોઈપણ પ્રકારની ડીલ નહિ કરે. પરંતુ તેવી પાર્ટીને સમર્થન આપશે જે ઓછામાં ઓછી તમિલનાડુની સમસ્યાઓને સાંભળશે અને અહીંના લોકોની વાત કરશે. કઈ રાષ્ટ્રીય પાર્ટીને તેઓ સમર્થન આપશે, આ સવાલના જવાબમાં કમલ હાસને કહ્યું, ભાજપ અને કોંગ્રેસ બંને અમને સ્વીકાર્ય નથી પરંતુ અમે શું કરી શકીએ છીએ? અમે ત્રીજો વિકલ્પ બનવા માંગીશું, પરંતુ અમે સ્થાનિક દળ છીએ અને તેનાથી અમે માહિતગાર છીએ

(11:05 am IST)
  • અમેરિકન એરલાઇન્સે ૧૯ ઓગસ્ટ સુધી ૧૧૫ ફ્લાઇટ્સ રદ કરી : બોઇંગ ૭૩૭ મેકસને નડેલા ભયાનક અકસ્માતો સંદર્ભે ૧૯ ઓગસ્ટ સુધીમાં મેકસ ૭૩૭ વિમાનોની સમશ્યા દૂર થઈ જશે access_time 3:30 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST