Gujarati News

Gujarati News

News of Monday, 15th April 2019

નેપાળમાં માઉન્ટ એવરેસ્ટ નજીક વિમાન ક્રેશ :ત્રણ લોકોના મોત :ચાર લોકો ઘાયલ

નાનું વિમાન ઉડાન ભરતી વેળાએ પાર્ક કરેલા હેલિકોપ્ટર સાથે ક્રેશ

નેપાળમાં માઉન્ટ એવરેસ્ટ નજીક એક નાનું વિમાન ઉડાન ભરતા સમયે પાર્ક કરેલા હેલિકોપ્ટર સાથે ક્રેશ થુલું હતું  આ દુર્ઘટનામાં ત્રણ લોકોના મોત થયા છે અને અન્ય ચાર લોકો ઘવાયા છે.

   ઉડ્ડયન અધિકારી રાજ કુમાર છેત્રીએ જણાવ્યું હતું કે, આ દુર્ઘટના ત્યારે બની જ્યારે સુમીત એરનું એક વિમાન કાઠમાંડુના લુકલા વિસ્તારના એરપોર્ટ પરથી ઉડાન ભરવા જઇ રહ્યું હતું. ઉડાન ભરતા સમયે વિમાન રન-વે પર લપસી ગયું હતું અને ત્યાં પાર્ક કરેલા માનંગ એરના હેલિકોપ્ટર સાથે ક્રેશ થઇ ગયું હતું. લુકલા ખાતેનું તેન્જિંગ હિલેરી એરપોર્ટ વિશ્વના સૌથી જોખમી એરપોર્ટમાંથી એક છે.

   નેપાળ પોલીસના પ્રવક્તા ઉત્તમ રાજ સુબેદીએ જણાવ્યું હતું કે, ઇજાગ્રસ્તોને એરલિફ્ટ કરીને કાઠમાંડુની હોસ્પિટલમાં લઇ જવામાં આવ્યા હતા. પોલીસ ઘટના સ્થળ પર પહોંચી ગઇ હતી અને અધિકારીઓએ એરપોર્ટ પર આગ ના લાગે તેની તકેદારી રાખી હતી. મૃતકોમાં પાઇલોટ અને એરપોર્ટ ઉભેલા બે પોલીસ અધિકારીઓનો સમાવેશ થાય છે. નાગિરક ઉડ્ડયન અધિકારી નરેન્દ્ર કુમાર લામાએ જણાવ્યું હતું કે, ચાર યાત્રી અને એક ફ્લાઇટ એટેન્ડન્ટ સુરક્ષિત છે.

(12:00 am IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • અમેરિકન એરલાઇન્સે ૧૯ ઓગસ્ટ સુધી ૧૧૫ ફ્લાઇટ્સ રદ કરી : બોઇંગ ૭૩૭ મેકસને નડેલા ભયાનક અકસ્માતો સંદર્ભે ૧૯ ઓગસ્ટ સુધીમાં મેકસ ૭૩૭ વિમાનોની સમશ્યા દૂર થઈ જશે access_time 3:30 pm IST