Gujarati News

Gujarati News

News of Saturday, 16th March 2019

નાઇઝીરીયામાં ત્રણ માળની ઇમારત ધરાસાયી :10 લોકોના મોત : શાળાના 100થી વધુ બાળકો પણ ફસાયા :37ને બચાવી લેવાયા

નાઇજીરિયાના ભરચક વિસ્તારમાં ત્રણ માળની ઇમારત ધરાશાયી થતા 10 લોકોના મોત નિપજ્યા છે અને અનેક લોકો ફસાયા હતા.ટોચ પર ચાલતી શાળાના લગભગ એક સો બાળકો પણ તેમાં ફસાયા હોવાનું સત્તાવાળાઓએ કહ્યું હતું. બચાવ ટુકડીએ જો કે ૩૭ જણાને જીવતા બચાવી લીધા હતા.

  ગુસ્સે ભરાયેલા પરિવારો કાટમાળની આસપાસ ભેગા થયા હતા અને બાળકોને બચાવવા તેમને શોધવામાં મદદ કરી રહ્યા હતા. બચાવ ટુકડી એક જણને જીવતો બચાવી લાવી હતી ત્યારે લોકોએ ચીચીઆરી પાડી તેને વધાવી લીધો હતો, જોકે એક વ્યક્તનું મૃતદેહ બહાર લાવતા લોકો દુ:ખી થયા હતા.

એક મહિલાને પણ જીવતી બહાર કાઢી શકાઇ હતી.ઇટા ફાઝી વિસ્તારમાં  સાંજની નમાઝ માટે અઝાન અપાઇ રહી હતી ત્યારે અનેક લોકો આતુરતાથી કાટમાળમાંથી કોને બહાર કાઢવામાં આવી રહ્યો છે તે જતાં હતા.

પીળા યુનિફોર્મમાં બચાવ ટુકડી ધુળથી ભરેલા માણસોને બહાર કાઢતી જોવા મળી હતી.’કોઇ પણ જાતની દુર્ઘટનામાં  કિંમતી જીવ ખોવાય ત્યારે ખૂબ દુખ થાય છે, ખાસ તો બાળકો અને યુવાનોના મોત પર અફસોસ થાય છે’એમ નાઇજીરિયાના પ્રમુખ મુહમ્મદુ બુહારીએ કહ્યું હતું.

બચાવી લેવાયેલા બાળકોને એમ્બ્યુલેન્સમાં લઇ જવામાં આવ્યા હતા. માથામાંથી લોહી નીકળતાં એક વ્યક્તિએ તેને હાથથી દબાવી દીધો હતો. રાત્રે બચાવ કામગીરીને વધુ તેજ બનાવવામાં આવી હતી.

(12:19 pm IST)
  • તળાજા તાલુકામાં સરઘસ કાઢવા પર પ્રતિબંધ :તળાજા તાલુકાના કેટલાંક ગામોમા તા.23 માર્ચ સુધી યોગ્ય સત્તાધિકારીની પૂર્વ મંજુરી સિવાય સરઘસો કાઢવા પર પ્રતિબંધ ફરમાવતા અધિક કલેકટર ઉમેશ વ્યાસ access_time 11:31 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST

  • છોટાઉદેપુરના નસવાડી તાલુકાના ઘેઁશવાડી ગામે ઘટના : સેન્ટરીંગ અને મિક્સર મશીનનો સામાન ભરીને જતી વખતે અને શ્રમજીવીઓ ને લઈ જતો ટેમ્પો પલ્ટી માર્યો :એક શ્રમજીવી મહીલા ઘટના સ્થળે નું મોત નિપજયું : અન્ય 6 મજૂરો ઘાયલ : 4 મજૂરો ને સારવાર અર્થે વડોદરા એસ.એસ.જી માં ખસેડાયા: 2 મજૂરો ને નસવાડી સામૂહિક આરોગ્ય કેન્દ્ર ખાતે સારવાર ચાલી રહયા છે access_time 2:10 pm IST