Gujarati News

Gujarati News

News of Saturday, 16th March 2019

એટીએમમાંથી કાર્ડ વગર કાઢી શકાશે પૈસા : SBIની નવી સુવિધા

નવી દિલ્હી તા. ૧૬ : દેશની સૌથી મોટી સરકારી બેંક, ભારતીય સ્ટેટ બેંકે પોતાના ગ્રાહકો માટે નવી સુવિધા શરૂ કરી છે. આ સુવિધા અંતર્ગત SBIના ગ્રાહકો હવે કાર્ડનો ઉપયોગ કર્યા વગર જ, એટીએમમાંથી પૈસા કાઢી શકશે. SBIએ આ સુવિધાને YONO Cash નામ આપ્યું છે. SBIના ગ્રાહકો દેશભરમાં ૧૬,૫૦૦ એટીએમ પર આ સુવિધાનો લાભ લઈ શકે છે.

SBIની આ સુવિધાનો લાભ લેવા માટે ગ્રાહકોએ પોતાના સ્માર્ટ ફોનમાં YONO એપ્લિકેશન ડાઉનલોડ કરવી પડશે. આ એપ પર ગ્રાહકોને એક ૬ ડિજિટનો YONO પિન સેટ કરવો પડશે. જયારે કોઈ ગ્રાહક આ એપ્લિકેશનની સહાયતાથી પૈસા કાઢવા માટે અનુરોધ કરશે, ત્યારે તેના મોબાઈલ પર એક એસએમએસ દ્વારા ૬ ડિજિટનો એક રેફરન્સ નંબર આવશે. આ રેફરન્સ નંબર અને YONO પિનની મદદથી ગ્રાહક પોતાના નજીકના એટીએમમાંથી ૩૦ મીનિટની અંદર YONO Cash Point થી કેશ કાઢી શકશે. ભારતીય સ્ટેટ બેંક કાર્ડલેસ કેશની સુવિધા પ્રદાન કરનારી દેશની પ્રથમ બેંક બની ગઈ છે.

નવેમ્બર ૨૦૧૭ YONO App લોન્ચ કરી હતી. આજે દેશમાં YONO App ફાઈનાન્શિયલ અને લાઈફસ્ટાઈલ સેવાઓ આપનારી સર્વશ્રેષ્ઠ બેંક બની ગઈ છે. આના પર આશરે ૮૫ ઈ-કોમર્સ કંપનીઓ લિસ્ટેડ છે, જયાંથી એસબીઆઈ ગ્રાહક પોતાના માટે ખરીદી કરી શકે છે. સ્ટેટ બેંક અનુસાર ફેબ્રુઆરી ૨૦૧૯ સુધી આશરે ૧.૮ કરોડ લોકોએ આ એપ ડાઉનલોડ કરી છે અને આના ૭૦ લાખથી વધારે એકિટવ યૂઝર છે. YONO App એન્ડ્રોયડ અને ISO બંન્ને પ્લેટફોર્મ પર ઉપ્લબ્ધ છે.(૨૧.૬)

(10:31 am IST)
  • ઓલ ઇન્ડિયા બાર એક્ઝામીનેશન XIII (AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http:// aibe13. allindiabarexamination. com/result. aspx વેબસાઈટ પર જોઈ શકાય છે access_time 9:50 pm IST

  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST

  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST