Gujarati News

Gujarati News

News of Saturday, 16th January 2021

કોવિદ -19 વેક્સિનની અસરકારકતા અને રસી લેનારની સલામતી વિષે માહિતી આપો : આરટીઆઈ એક્ટ હેઠળ માહિતી માંગવા છતાં જવાબ નહીં મળતા સોશિઅલ એક્ટિવિસ્ટ સાકેત ગોખલેએ બોમ્બે હાઇકોર્ટમાં પિટિશન દાખલ કરી

મુંબઈ : કોવિદ -19 વેક્સિનની અસરકારકતા અને રસી લેનારની સલામતી વિષે સોશિઅલ એક્ટિવિસ્ટ સાકેત ગોખલેએ ડ્રગ કંટ્રોલર જનરલ ઓફ ઇન્ડિયા પાસે 4 જાન્યુઆરીના રોજ આરટીઆઈ એક્ટ હેઠળ માહિતી માંગી હતી.જેનો જવાબ 48 કલાકમાં મળવો જોઈતો હતો.પરંતુ હજુ સુધી નહીં મળતા તેમને બોમ્બે હાઇકોર્ટમાં પિટિશન દાખલ કરી છે.

પિટિશનમાં જણાવાયા મુજબ લોકોની જિંદગીની સલામતી અંગે માહિતી મેળવવાનો લોકોને અધિકાર છે.તેથી તેમને કોવિદ -19 ની અસરકારકતા વિષે તથા સલામતી વિષે માહિતી માંગી હતી .પરંતુ  ડ્રગ કંટ્રોલર જનરલ ઓફ ઇન્ડિયાએ જવાબ નહીં આપતા તેઓને બોમ્બે હાઇકોર્ટમાં પિટિશન દાખલ કરવાની ફરજ પડી છે.

વિશેષમાં પિટિશનમાં જણાવાયા મુજબ ભારત સરકારે સીરમ ઇન્સ્ટિટ્યૂટ ઓફ ઇન્ડિયા ની કોવીશીલ્ડ તથા ભારત બાયોટેક ઇન્ટર નેશનલની કોવેક્સિન રસી આપવા મંજૂરી આપી છે.પરંતુ કોવેક્સિન રસી અંગેના પરિણામો હજુ પ્રાયોગિક ધોરણે એટલે કે અધૂરા છે.આ સંજોગોમાં બંને કંપનીઓની રસીની  અસરકારતા તથા રસી લેનારની સલામતી અંગે જાહેર જનતાને માહિતી આપવી ફરજીયાત છે.કારણકે આ બાબત લોકોની જિંદગી અને સલામતી સાથે સંકળાયેલી છે.

તેથી કેન્દ્ર સરકારે રસી લ્યો અને તેના પરિણામ જાતે ભોગવો તેવી અથવા તમારી જાતે કોવિદ -19 થી સલામત રહો તેવી ઘોષણા કરવી જરૂરી છે.
તેમણે જણાવ્યું છે કે ઉપરોક્ત માહિતી સંપૂર્ણપણે જાહેર જનતાના હિત  માટે માંગવામાં આવી છે.તેવું બી.એન્ડ બી.દ્વારા જાણવા મળે છે.

(5:56 pm IST)
  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:09 am IST

  • ભાજપનું સખળડખળ સમુનમુ કરવા અમિતભાઇ કર્ણાટક દોડ્યા : કેન્દ્રીય ગૃહમંત્રી અમિત શાહ બે દિવસીય કર્ણાટકના પ્રવાસે જઈ રહયા છે. RAF ફોર્સની નવી બટાલિયન કેમ્પસનો શિલાન્યાસ કરશે, અને મંત્રીમંડળના વિસ્તરણ બાદ નારાજ ધારાસભ્યો સાથે ચર્ચા કરશે તેમ જાણવા મળે છે access_time 1:47 pm IST