Gujarati News

Gujarati News

News of Saturday, 16th January 2021

સરકારના મંત્રીઓને વેક્‍સીન પર વિશ્વાસ નથી ? રસી કેમ ન મુકાવી : કોંગ્રેસ નેતા મનિષ તિવારી

નવી દિલ્હી: એક તરફ જ્યાં સમગ્ર વિશ્વના સૌથી મોટા વૅક્સીનેશન અભિયાનની ભારતમાં શરૂઆત થઈ ગઈ છે, ત્યાં બીજી તરફ કોંગ્રેસ પાર્ટીએ વૅક્સીનની વિશ્વસનિયતા પર સવાલ ઉઠાવ્યાં છે.

કોંગ્રેસ નેતા મનિષ તિવારીએ કોરોના વૅક્સીનેશન અભિયાન પર સવાલ ઉઠાવતા પૂછ્યું છે કે, સરકારના મંત્રીઓએ કોરોના વૅક્સીન કેમ નથી લગાવી? જ્યારે વિદેશોમાં સૌ પ્રથમ જે-તે દેશના રાષ્ટ્ર પ્રમુખોએ જ પહેલા કોરોનાની વૅક્સીન મૂકાવી હતી. સરકારના કોઈ મંત્રીએ વૅક્સીન નથી લીધી. મંત્રીઓએ વૅક્સીન લેવા માટે પહેલા આગળ આવવું જોઈએ.

અગાઉ પણ મનિષ તિવારીએ કહ્યું હતું કે, કોરોના વૅક્સીન ‘કોવેક્સીન’ને સરકાર તરફથી ઉતાવળમાં ઈમરજન્સી ઉપયોગની મંજૂરી આપવામાં આવી છે. હવે સરકાર જ કહી રહી છે કે, વૅક્સીન લેનારા લોકોને એ વાતની મંજૂરી નહીં હોય કે, તેઓ પોતાના માટે વૅક્સીનની પસંદગી કરી શકે.

કોવેક્સીનના ત્રીજા તબક્કાના ટ્રાયલ પૂરા નથી થયા અને તેની ક્ષમતાને લઈને પણ અનેક સવાલો ઉઠી રહ્યાં છે. સરકારે વૅક્સીનને મંજૂરી નહતી આપવી જોઈતી. તમે રોલ આઉટનો ત્રીજા તબક્કાના ટ્રાયલ તરીકે ઉપયોગ ના કરી શકો. ભારતીય ગિની પીગ નથી.

(4:40 pm IST)
  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST

  • સ્પેનમાં કોરોનાની ત્રીજી લહેર : કોરોનાનો વિસ્ફોટ : છેલ્લા 24 કલાકમાં રેકોર્ડબ્રેક 40 હજારથી વધુ નવા કેસ : બે દિવસમાં 75 હજારથી વધુ કેસ નોંધાયા : access_time 1:09 am IST

  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST