Gujarati News

Gujarati News

News of Saturday, 16th January 2021

વિશ્વનું સૌથી મોટું રસીકરણ અભિયાન : ડો. ગુલેરિયાએ રસીનો પ્રથમ ડોઝ લીધો

સૌપ્રથમ એઈમ્સના સેનિટેશન વિભાગના કર્મચારી મનીષ કુમારને કોરોના રસીનો ડોઝ મૂકાવ્યો

નવી દિલ્હી: દેશમાં આજથી વિશ્વના સૌથી મોટા રસીકરણ અભિયાનનો શુભારંભ થયો છે. વડાપ્રધાન નરેન્દ્ર મોદીએ વીડિયો કોન્ફરન્સથી સંબોધન કરીને વર્ચ્યુઅલ રીતે આ રસીકરણ મહાયજ્ઞાનો પ્રારંભ કરાવ્યો હતો. નવી દિલ્હી સ્થિત ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)ના ડાયરેક્ટર ડો. રણદીપ ગુલેરિયાએ એઈમ્સમાં પોતાના બાવડે કોરોનાનો પ્રથમ ડોઝ મૂકાવ્યો હતો. સૌપ્રથમ એઈમ્સના સેનિટેશન વિભાગના કર્મચારી મનીષ કુમારને કોરોના રસીનો ડોઝ મૂકાવ્યો હતો. મનીષ કુમાર દેશમાં શરૂ થયેલા કોરોના રસીકરણ અભિયાનમાં વેક્સિન મૂકાવનાર પ્રથમ નાગરિક બન્યા હતા. ત્યારબાદ એઈમ્સના વરિષ્ઠ તબીબોને કોરોનાની રસી મૂકવામાં આવી રહી છે.

(1:44 pm IST)
  • દિલ્હીની રામ મનોહર લોહિયા હોસ્પિટલના ડોક્ટરોનો કોવેક્સિન રસી લેવાનો ઇન્કાર : રેસિડન્ટ ડોક્ટરોએ મેડિકલ સુપ્રિટેડન્ટને પત્ર લખ્યો : ભારત બાયોટેકની કોવેક્સિનને બદલે કોવીશીલ્ડ આપવા માંગણી કરી : કોવેક્સિનની ટ્રાયલ અધૂરી હોવાનું મંતવ્ય access_time 1:52 pm IST

  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST

  • સમગ્ર પાટનગર ઉપર : ધુમ્મસની ચાદર છવાઇ ગઈ :આજે સવારે રાજધાની નવી દિલ્હીના લગભગ તમામ વિસ્તારો ઉપર ગાઢ ધુમ્મસની ઘેરી ચાદર છવાઈ ગયાનું દ્રશ્ય જોવા મળતું હતું. આવતા ચોવીસ કલાકમાં ટેમ્પરેચરમાં થોડો ઘટાડો થશે. દિલ્હી એરપોર્ટ ઉપર આવતી અને જતી ઘણી ફ્લાઇટો આ ધુમ્મસને લીધે મોડી થઈ રહી હતી. સવારે સાડા આઠ વાગ્યે પણ દિલ્હી એરપોર્ટ ના રન-વે ઉપર ઝીરો વિઝિબિલિટી જોવા મળી હતી. access_time 11:39 am IST