Gujarati News

Gujarati News

News of Saturday, 16th January 2021

ભારતમાં બે-બે વેકસીન સાથે રસીકરણનું કામ શરૂઃ જ્‍યારે પાકિસ્‍તાનમાં હજુ ઠેકાણા નથીઃ ચીન પણ મદદ કરતુ નથી

વાત-વાતમાં ભારત સામે હાઉં હાઉં કરતી ઈમરાન સરકાર વેકસીનના મામલે ભારતથી ઘણી પાછળ

ઈસ્‍લામાબાદ, તા. ૧૬ :. ભારતમાં આજથી બે-બે વેકસીન સાથે મહારસીકરણનો પ્રારંભ થયો છે તો પાકિસ્‍તાનમાં હજુ રસી માટેનો કોઈ ઠેકાણા નથી. પાકિસ્‍તાને રસી ખરીદવા માટે હજુ કોઈ ઓર્ડર પણ નથી આપ્‍યા કે કોઈ કંપનીએ તેમનો સંપર્ક પણ કર્યો નથી. વાત વાતમાં ભારત સામે હાઉં હાઉં કરનાર ઈમરાનની સરકાર આ મામલે ઘણી પાછળ ચાલી રહી છે.

પાકિસ્‍તાનના પીએમના ખાસ સ્‍વાસ્‍થ્‍ય સલાહકાર ડો. ફૈઝલખાને જણાવ્‍યુ છે કે અમે ફ્રન્‍ટ લાઈન વર્કર્સ અને અન્‍યોને વેકસીન આપવા માટે રસી ખરીદવાના પ્રયાસો કરી રહ્યા છીએ પરંતુ હજુ સુધી એક પણ કંપનીને ઓર્ડર આપવામાં નથી આવ્‍યો.

ચીને પણ હજુ સુધી પાકિસ્‍તાનને મદદ કરવાનું જાહેર કર્યુ નથી. પાકિસ્‍તાનમાં અત્‍યાર સુધીમાં ૫ લાખથી વધુ કેસ આવ્‍યા છે અને ૧૧૦૦૦ જેટલા લોકોના મોત થયા છે.

(11:00 am IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • દિલ્હીની રામ મનોહર લોહિયા હોસ્પિટલના ડોક્ટરોનો કોવેક્સિન રસી લેવાનો ઇન્કાર : રેસિડન્ટ ડોક્ટરોએ મેડિકલ સુપ્રિટેડન્ટને પત્ર લખ્યો : ભારત બાયોટેકની કોવેક્સિનને બદલે કોવીશીલ્ડ આપવા માંગણી કરી : કોવેક્સિનની ટ્રાયલ અધૂરી હોવાનું મંતવ્ય access_time 1:52 pm IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST