Gujarati News

Gujarati News

News of Saturday, 16th January 2021

VRS લેનારા પૂર્વ આઈએએસ અરવિંદ શર્મા ભાજપમાં જોડાયા

ટોચના અધિકારીઓ પણ હવે ભાજપ ભણી : યુપીના ભાજપના અધ્યક્ષ સ્વતંત્ર દેવ સિંહની હાજરીમાં તેઓ ભાજપમાં જોડાયા : અનેક નેતા પણ ઉપસ્થિત રહ્યા

લખનઉ, તા. ૧૫  :પીએમઓના પૂર્વ અધિકારી અને ગુજરાત કેડરના પૂર્વ આઇએએસ અરવિંદ શર્મા ભાજપ સાથે જોડાઇ ગયા છે. ઉત્તર પ્રદેશના ભાજપના અધ્યક્ષ સ્વતંત્ર દેવ સિંહની હાજરીમાં તેઓ ભાજપમાં જોડાયા. આ દરમિયાન નાયબ મુખ્યમંત્રી દિનેશ શર્મા, પ્રદેશ મહામંત્રી જેપીએસ રાઠોર, ગોવિંદ શુક્લા, કેબિનેટ મંત્રી દારા સિંહ ચૌહાણ પણ હાજર રહ્યાં હતાં.

ભાજપમાં જોડાયા બાદ અરવિંદ શર્માએ કહ્યું કે, ભાજપ સાથે જોડાયાની ખુશી છે. આપણા દેશમાં ઘણી રાજકીય પાર્ટી છે, પરંતુ ભાજપ સૌથી મોટી પાર્ટી છે. હું પછાત જિલ્લા અને ગામનો છું. મારા જેવા સાધારણ વ્યક્તિને જેની કોઇ રાજકીય પૃષ્ઠભૂમિ નથી તેને ભાજપ જ આટલું મોટું સ્થાન આપી શકે છે. હું વડાપ્રધાન પ્રત્યે આભાર વ્યક્ત કરું છું. અરવિંદ શર્મા મૂળ ઉત્તર પ્રદેશના મઉના રહેવાસી છે અને ગુજરાત કેડરના ૧૯૮૮ બેચના આઇએએસ અધિકારી રહ્યાં છે. તેમણે લગભગ ૨૦ વર્ષ સુધી વડાપ્રધાન નરેન્દ્ર મોદી સાથે કામ કર્યું. અરવિંદ શર્મા, ગુજરાતમાં નરેન્દ્ર મોદી સીએમ હતા ત્યારે ૨૦૦૧થી ૨૦૧૩ સુધી સીએમ કાર્યાલયમાં રહ્યાં હતાં. તે બાદ નરેન્દ્ર મોદી વડાપ્રધાન બનતાં તેઓ પીએમઓમાં આવી ગયા હતા.

(12:00 am IST)
  • કોવિદ -19 કરતા પણ ભાજપ વધુ ખતરનાક છે : હિન્દૂ મુસ્લિમો વચ્ચે દંગા કરાવે છે : જો પશ્ચિમ બંગાળમાં ભાજપનું શાસન આવશે તો મુસલમાનોનું કાઉન્ટ ડાઉન શરૂ : ટી.એમ.સી.સાંસદ નુસરત જહાં access_time 6:36 pm IST

  • દેશમાં કોરોના થાક્યો; નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 14,019 કેસ નોંધાયા :કુલ કેસની સંખ્યા 1,05, ,57,679 થઇ :એક્ટિવ કેસ 2,06,879 થયા: વધુ 15,011 દર્દીઓ સ્વસ્થ થતા કુલ 1,01,93,994 થયા :વધુ 162 લોકોના મોત સાથે કુલ મૃત્યુઆંક 1,52,292 થયા access_time 12:56 am IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST