Gujarati News

મુંબઈ : આવકવેરા વિભાગે મહારાષ્ટ્રમાં મોટી કાર્યવાહી કરી છે. BMC કોન્ટ્રાક્ટરોના 37 સ્થળો પર આવકવેરા વિભાગે દરોડા પાડ્યા છે. ઇન્ટેલિજન્સ પાસેથી મળેલી માહિતી બાદ આવકવેરા વિભાગે આ કાર્યવાહી કરી હતી.

બી.એમ.સી. (બૃહમ્મુબાઈ મ્યુનિસિપલ કોર્પોરેશન) માટે કામ કરતા સરકારી પ્રોજેક્ટ્સમાંથી જંગી રકમની વસૂલાત અંગે ઇન્કમટેક્સને માહિતી આપવામાં આવી હતી. ત્યારબાદ આવકવેરા વિભાગે દરોડા પાડ્યા હતા

મુંબઈ અને મહારાષ્ટ્રમાં પણ એન્ટ્રી ઓપરેટરોના દરોડા પાડવામાં આવ્યા હતા. મળતી માહિતી પ્રમાણે, આવકવેરા વિભાગને 735 કરોડ રૂપિયાની નકલી એન્ટ્રી અને નકલી ખર્ચના પુરાવા મળ્યા છે.

હાલના સંદર્ભમાં આ દરોડાઓ ખૂબ મહત્વના છે કારણ કે બીએમસી શિવસેના ના કબજામાં છે અને મહારાષ્ટ્રમાં સરકાર બનાવવાની કોશિશ વચ્ચે શિવસેનાએ ભારતીય જનતા પાર્ટી સાથે સંબંધ તોડી નાખ્યા છે.

શિવસેનાના 227 સભ્યોવાળા ગૃહમાં કુલ 94 કોર્પોરેટરો છે. ભારતીય જનતા પાર્ટીના   82 કોર્પોરેટરો છે. મહારાષ્ટ્રમાં શિવસેના નેતા સંજય રાઉતે ભારતીય જનતા પાર્ટી (ભાજપ) ને ગુરુવારે કહ્યું કે અમને ડરાવવાનો પ્રયાસ ન કરો.