Gujarati News

Gujarati News

News of Monday, 15th October 2018

આંધ્રપ્રદેશના વિશાખાપટ્ટનમમાં નવરાત્રીમાં માતાજીના મંદિરને ૪ કરોડ રૂપિયા અને ૪ કિલો સોનાથી શણગાર

વિશાખાપટ્ટનમઃ આંધ્ર પ્રદેશના વિશાખાપટ્ટનમમાં નવરાત્રી દરમિયાન એક દેવી મંદિરને અનોખી રીતે સુશોભિત કરવામાં આવ્યું છે. જેને લઈને આ મંદિરની ચર્ચા વિશાખાપટ્ટનમ શહેરમાં ઠેર ઠેર થઈ રહી છે. આ મંદિરને 4.5 કરોડની રોકડ અને 4 કિલોના સોનાથી સજાવવામાં આવ્યું છે. વાસવી કન્યકા પરમેશ્વરી દેવનું મંદિર અનેક શ્રદ્ધાળુઓને આકર્ષી રહ્યું છે.

4 કિલોના આભુષણ

મંદિરમાં માતાજીની પ્રતિમાને સોનાના આભુષણથી સુશોભિત કરાય છે. જેમાં 4 કિલો સોનાનો ઉપયોગ કરવામાં આવ્યો છે. માતાજીની મૂર્તિની પાછળ અને મંદિર પરિસરમાં 4.5 કરોડની રોકડથી ડેકોરેશન કરવામાં આવ્યું છે. દર વર્ષે નવરાત્રી દરમિયાન માતાજીનો શણગાર કરવામાં આવે છે. આ મંદિર 130 વર્ષ જૂનું હોવાનું માનવામાં આવી રહ્યું છે. સોશિયલ મીડિયા પર આ મંદિરની ચર્ચા થઈ રહી છે.

ગર્ભગૃહમાં પણ નવી કંરસી

મંદિરના ગર્ભગૃહમાં પણ નવી કરંસીની નોટના બંડલથી સજાવટ કરવામાં આવી છે. આ ઉપરાંટ ચલણી નોટનું તોરણ બનાવીને મંદિર મુખ્ય દ્વાર પર લાગવવામાં આવ્યું છે. સાંજના સમયે તથા સવારે આરતી વખતે મોટી સંખ્યામાં ભક્તો આ મંદિરમાં દર્શનાર્થે આવે છે.

(6:30 pm IST)
  • અમદાવાદના એલિસબ્રિજમાં ફાયનાન્સ કંપનીમાં લાખોની ચોરી કરી તસ્કરો ફરાર:રૂ 2.50 લાખની રોકડ અને વિદેશી ચલણી નોટોની ચોરી:અમેરિકા, બ્રિટન અને ઑસ્ટ્રેલિયા સહિત 12 દેશોના વિદેશી ચલણી નોટોની ચોરી:ફરિયાદી ફોરેન કરન્સી એક્સચેન્જનો ધધો કરે છે.:ઓફિસ ના ડ્રોઅરમાં મુકેલી ચલણી નોટોની ચોરી થતા નોંધાઈ ફરિયાદ:પોલીસે સીસીટીવી ફૂટેજ ના આધારે તપાસ શરૂ કરી access_time 1:06 am IST

  • અમદાવાદના સોલામાં ફાયરિંગની ઘટનામાં ત્રણ આરોપીની ધરપકડ :સામાન્ય તકરારમાં દત્ત બંગ્લોઝ સોસાયટીમાં થયું હતું ફાયરીંગ: સોલા પોલીસે પિતા સહિત બંને પુત્રોની ધરપકડ કરી સોસાયટીમાં ગરબા ચાલતા હતા જેથી ઝડપથી બાઈક નહીં ચલાવવા માટે ઠપકો આપતા મામલો બિચક્યો હતો :દાનારામ નામના શખ્શે ચાર રાઉન્ડ ફાયરીંગ કર્યું હતું. access_time 12:42 am IST

  • ગ્લોબલ હંગર ઇન્ડેક્સમાં ભારત પાછળ ધકેલાયું :ગ્લોબલ હંગર ઈન્ડેક્સ પ્રમાણે ભૂખમરો દૂર કરવામાં પુરોગામી મનમોહનસિંહની સરકાર કરતા હાલની મોદી સરકાર પાછળ : વિકાસ અને ગરીબી દૂર થવાના સરકારી દાવાઓ વચ્ચે 2018ના ગ્લોબલ હંગર ઈન્ડેક્સમાં ભારતનું રેન્કિંગ વધુ ગગડયું :119 દેશોની ગ્લોબલ હંગર ઈન્ડેક્સની યાદીમાં ભારત 103મા સ્થાને પહોંચ્યું:. 2017માં ભારત ગ્લોબલ હંગર ઈન્ડેક્સમાં 100મા ક્રમાંકે હતું. access_time 12:24 am IST