Gujarati News

Gujarati News

News of Sunday, 15th September 2019

આસામ રેજિમેન્‍ટના ગીતે અમેરિકન સૈનિકોને ઘેલું લગાડયું: ઝુમી ઉઠયા

નવી દિલ્હી: ભારત (India) અને અમેરિકા (America)ની સેનાઓ હાલ અમેરિકી સૈનિક બેસ લેવિસ મેકોર્ડ (LEWIS McCHORD)માં જોઈન્ટ યુદ્ધાભ્યાસ કરી રહી છે. આ અભ્યાસ 5 સપ્ટેમ્બરથી શરૂ થયો છે. જે 18 સપ્ટેમ્બર સુધી ચાલશે. તે ભારત અને અમેરિકા વચ્ચેનો સૌથી મોટો સૈનિક અભ્યાસ છે. જે એક વર્ષ અમેરિકામાં અને એક વર્ષ ભારતમાં આયોજિત કરવામાં આવે છે. યુદ્ધાભ્યાસ વખતનો એક વીડિયો જાહેર થયો છે જેમાં બંને દેશોના સૈનિકો આસામ રેજિમેન્ટના માર્ચિંગ સોંગ 'બદલુરામ કા બદન જમીન કે નીચે હૈ' પર નાચતા જોવા મળ્યાં.

ન્યૂઝ એજન્સી એએનઆઈ દ્વારા જાહેર કરાયેલા આ વીડિયોમાં ભારત અને અમેરિકાના સૈનિકો એક સાથે તાળીઓ પાડતા સંયુક્ત રાજ્ય અમેરિકાના સંયુક્ત બેસ લેવિસ મેકકોડમાં 'બદલુરામ કા બદન જમીન કે નીચે હૈ...પર હમકો ઉસકા રાશન મિલતા હૈ' ગાતા જોવા મળી રહ્યાં છે.

'બદલુરામ કા બદન જમીન કે નીચે હૈ...પર હમકો ઉસકા રાશન મિલતા હૈ' આ ગીતની પાછળ એક રસપ્રદ વાર્તા છે. આ ગીત આસામ રેજિમેન્ટનું રેજીમેન્ટલ સોંગ છે. જે આસામ રેજિમેન્ટના જ સૈનિક બદલુ-રામ પર આધારિત છે. બદલુ-રામ બીજા વિશ્વયુદ્ધ દરમિયાન આસામ રેજિમેન્ટનો ભાગ હતાં. સેકન્ડ વર્લ્ડ વોર વખતે વર્ષ 1944માં કોહિમાની લડાઈ થઈ હતી. જેમાં ભારત અને જાપાન વચ્ચે યુદ્ધ થયું હતું. આ યુદ્ધમાં બદલુ-રામ શહીદ થયા હતાં.

(3:25 pm IST)
  • ગુજરાતમાં વાહનોમાં પ્રદુષણ નિયંત્રણ માટે સને. ર૦૦૩ માં પીયુસી સેન્ટરો ખોલ્યા પછી સરકાર ૧૬ વર્ષ સુધી કુંભકર્ણ નિંદ્રામાં સુતી રહી, અને હવે કડક નિયમનો અમલ કરાવતા અંધાધૂંધી સર્જાઇઃ સરકારની ઢીલી નિતીને લઇને વાહન ચાલકોએ પણ કયારેય પીયુસી કઢાવ્યા જ નથીઃ ગુજરાતમાં ર૦ લાખ વાહનો પૈકી ૩૦ ટકા વાહનો ચાલકો પાસે જ પીયુષી હશે : સરકારી વાહનો પણ પીયુસી વગર જ દોડતા હશે સરકાર પહેલા તેના વાહનોની તપાસ કરાવે access_time 1:02 pm IST

  • ભારતીય વાયુસેનાની સૈન્ય ક્ષમતામાં મોટો વધારો :વાયુસેનાને ઇઝરાયલ પાસેથી મળ્યો સ્પાઇસ બોમ્બનો પહેલો જથ્થો: બાલાકોટમાં ઉડાવ્યા હતા આતંકી કેમ્પ: ભારતીય વાયુસેનાના કાફલામાં સ્પાઇસ-2000 લેઝર ગાઇડેડ બોમ્બને સામેલ કરાયા : માર્ક 84 વૉર હેડ અને બોમ્બની સાથે સ્પાઇસ 2000 બોમ્બની પહેલી ખેપ ગ્વાલિયર પહોંચી હતી. access_time 12:52 am IST

  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST