Gujarati News

ફિલિપિન્સમાં આવેલા વાવાઝોડાના કારણે 14 લોકોનાં મોત થયાં છે. રાષ્ટ્રપતિના સલાહકારના જણાવ્યા પ્રમાણે આ વાવાઝોડાને કારણે ભારે નુકસાન થયું છે.

મેંગહટ નામનું આ વાવાઝોડું ફિલિપિન્સના મુખ્ય ટાપુ લુઝોન પરથી થઈને હવે ચીન તરફ આગળ વધી રહ્યું છે.

સરકારી અધિકારીઓનું કહેવું છે કે વાવાઝોડાના કારણે ટુગુએગરાઓ શહેરની લગભગ તમામ બિલ્ડિંગોને નુકસાન પહોંચ્યું છે.

વાવાઝોડાના કારણે પવન 185 કિલોમિટર પ્રતિ કલાકની ઝડપે ફૂંકાઈ રહ્યો હતો.

આ તોફાનને કારણે આશરે 40 લાખ લોકો પ્રભાવિત થયાં છે. હજારો લોકોને સુરક્ષિત સ્થળોએ પહોંચાડવામાં આવ્યા હતા.