Gujarati News

નવી દિલ્હી :ચીને હવે ભારત સામે વધુ એક જાળ બિછાવાની શરૂ કરી છે. ભારતીય સરહદ નજીક ચીને ડબલ લેન સડક નિર્માણનુ કામ પુરૂ કરી દીધુ છે. કૈલાશ માનસરોવરથી પરત ફરેલા યાત્રાળુઓનુ માનીએ તો સવારે આંખ ખોલતા ચીનમાં એક નવી સડકનુ નિર્માણ નજરે પડતુ હોય છે. ચીન લિંપિયાધૂરા સરહદ સુધી અગાઉ જ સડકનુ કામ પુરૂ કરી ચૂક્યુ છે.

 કૈલાશ યાત્રાથી પરત ફરેલી પંદરમી ટૂકડીના અધિકારી સંજીવ કુમારનુ કહેવુ છે કે ચીનમાં સડકોની કામગીરી ખુબ ઝડપથી થઇ રહી છે. ચીને ભારતીય સરહદ સુધી ડબલ લેન રોડ બનાવી દીધો છે.ચીને પહાડી વિસ્તારમાં પણ ચારેકોર સડકો બનાવી દીધી છે. જ્યારે કે બીજી તરફ ભારતમાં ચીની સરહદ નજીક સડકનુ કામ ઘણુ મંથર ગતિએ ચાલી રહ્યુ છે. મુનશિયારીથી મિલમ સુધી સડકનુ કામ ર૦૧૬ સુધી પુરૂ કરવાનુ હતુ. પરંતુ તે કામ હજુ પુરૂ થયુ નથી.