Gujarati News

Gujarati News

News of Saturday, 15th September 2018

અનોખા લગ્ન! દીકરીઓએ જ કર્યું માતાનું કન્યાદાન

દીકરીઓએ વિધિવત લગ્ન કરાવ્યા અને માને સાસરે વિદાય કરી હતી

 મંરડ, તા.૧૫: તમે લગ્ન તો દ્યણાં જોયા હશે પરંતુ શું કયારેય એવું જોયું છે જેમાં બાળકો જ મા-બાપને વિદાય આપતા હોય? મેરઠમાં આવો જ એક કિસ્સો સામે આવ્યો છે જેમાં દીકરીઓએ પોતાની જ માનું કન્યાદાન કર્યું હતું. આ મહિલાના પતિનું અવસાન ૧૫ વર્ષ પહેલા થયું હતું. દીકરાએ ન રાખતાં દીકરીઓએ આ નિર્ણય લીધો હતો.

પતિના મૃત્યુ પછી મહેનત-મજૂરી કરીને આ મહિલાએ એક દીકરા અને બે દીકરીઓને મોટી કરી હતી. દીકરીઓને ધૂમધામથી સાસરે વિદાય કરવામાં આવી હતી. દીકરો ખોટી સંગતમાં પડી ગયો હતો. મા સાથે હંમેશા તે મારઝૂડ કરતો હતો. તેણે જ પોતાની માને મારપીટ કરીને ઘરની બહાર કાઢી મૂકી હતી. મા અપમાનિત થતી હતી જેથી દીકરીઓને લાગી આવ્યું અને કન્યાદાન કરવાનો નિર્ણય કર્યો હતો.

સહારનપુરના રહેવાસી જ એક વ્યકિત લગ્ન માટે તૈયાર થઈ ગયો હતો. આ વ્યકિતની પત્નીનું અવસાન થઈ ગયું હતું. બન્ને દીકરીઓએ માને પણ લગ્ન માટે તૈયાર કરી હતી. અનેક સંબંધીઓએ આ વાતનો વિરોધ પણ કર્યો હતો. દીકરીઓએ હાર ન માની અને કન્યાદાન કરવાનો નિર્ણય કર્યો હતો. આ બન્ને દીકરીઓએ વિધિવત લગ્ન કરાવ્યા અને માને સાસરે વિદાય કરી હતી.

વિધવાના લગ્નને લઈને અનેક વિસ્તારમાં લોકો દીકરીઓના વખાણ કરી રહ્યાં છે. આ પાછળનું કારણ જણાવતા દીકરીઓએ જણાવ્યું હતું કે ભાઈની વર્તણુંકથી મા દુખી હતી અને અમને જરાપણ ગમતું નહોતું. આથી સમાજ શું વિચારશે તેવું ધ્યાનમાં લેવાને બદલે માની ખુશીને ધ્યાનમાં લેવાનું નક્કી કર્યું હતું.(૨૨.૫)

(12:01 pm IST)
  • વડોદરામાં જળ શુદ્ધી માટે ફટકળીના ગણપતિ બનાવાયા access_time 12:12 am IST

  • સાવરકુંડલાના ઘોબા અને ભમોદરા માં ધોધમાર વરસાદ:અડધો ઇંચ વરસાદ ખાબકતા ઘોબા ની બજારો થઈ પાણી પાણી:ખેડૂતો માટે આશીર્વાદ સમાનનો વરસાદ:રસાદને કારણે ખેડૂતોમાં ખુશહાલી access_time 8:28 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST