Gujarati News

Gujarati News

News of Friday, 14th September 2018

પચોરીની સામે આરોપો ઘડવા માટે કોર્ટનો હુકમ

૨૦મી ઓક્ટોબરે વધુ સુનાવણી

નવી દિલ્હી, તા.૧૪ : દિલ્હીની સાકેત કોર્ટે આજે ટેરીના પૂર્વ પ્રમુખ આરકે પચોરી સામે દાખલ કરવામાં આવેલા છેડતીના મામલામાં આરોપો નક્કી કરવાનો આદેશ કર્યો હતો. પચોરી ઉપર સહકર્મી દ્વારા આ મુજબનો આક્ષેપ કરવામાં આવ્યો હતો. આ મામલાની વધુ સુનાવણી ૨૦મી ઓક્ટોબરના દિવસે હાથ ધરવામાં આવશે. કોર્ટે પચોરીને અન્ય કેટલીક કલમોમાંથી મુક્ત કરી દીધા હતા. મેટ્રો પોલિટન મેજિસ્ટ્રેટ ચારુ ગુપ્તાએ ઇન્ડિયન પીનલ કોડની કલમ ૩૫૪, કલમ ૩૫૪એ અને કલમ ૫૦૯ના મામલામાં આરોપો ઘડવાનો આદેશ કર્યો હતો. વર્ષ ૨૦૧૫ના દિવસે પચોરીની સામે કેસ દાખલ કરવામાં આવ્યો હતો ત્યારબાદ ૨૧મી માર્ચના દિવસે તેમને આગોતરા જામીન મળી ગયા હતા. પીડિત યુવતીએ કોર્ટના ઓર્ડર બાદ થોડીક રાહત મળી હોવાની વાત કરી હતી. વાસ્તવિકતા સપાટી પર લાવવા માટે સંઘર્ષ કરવાની ફરજ પડી છે. ૧૩મી ફેબ્રુઆરી ૨૦૧૫ના દિવસે પચોરીની સામે એક અન્ય કર્મીએ અત્યાચારના આક્ષેપ કર્યા હતા.

(7:30 pm IST)
  • જમ્મુ-કાશ્મીરઃ શ્રીનગરના પંપોરા : હોટલમાં આગઃ મીડિયાની અનેકઃ ઓફિસો ત્યાં છેઃ ૫ ફાયર ફાઈટર દોડયાઃ શ્રીનગરઃ અહીંની પંપોરા હોટલમાં આગઃ ત્યાં મીડીયાની અનેક ઓફિસો આવેલી છેઃ આગને કાબુમાં લેવા ૫ ફાયર ફાઈટરો દોડયાઃ હોટલ ૬ માળની છેઃ કોઈ જાનહાની નથી access_time 3:18 pm IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST