Gujarati News

Gujarati News

News of Friday, 14th September 2018

આ કારણે ડોલરની સરખામણીમાં આજે મજબૂત બન્યો ભારતીય રૂપિયો

મુંબઇ, તા.૧૪: ભારતીય રૂપિયાની સતત ગગડવાની સ્થિતિ પર કાબુ આવ્યો છે. શુક્રવારે એક અમેરિકી ડોલરના મુકાબલે ભારતીય રૂપિયો ૪૯ પૈસા મજબૂત થઇને ૭૧.૭૦ના સ્તર પર ખુલ્યા છે. વિશેષજ્ઞો પ્રમાણે દુનિયાભરમાં ડોલરની ડિમાન્ડમાં આવેલી કમીના કારણે રુપિયામાં મજબૂતી પરત આવી છે. ગુરૂવારની સાંજે અમેરિકામાં આવેલા કમજોર આર્થિક આંકડાને જોતા અન્ય કરન્સીના મુકાબલે ડોલર નબળો પડ્યો. એટલે ભારતીય રૂપિયામાં પણ જોરદાર રિકવરી જોવા મળી છે.

નોંધનીય છે કે ગત બુધવારે પણ રૂપિયો ૫૧ પૈસાની મજબૂતીની સાથે ૭૨.૧૯ના સ્તર પર બંધ થયો હતો.

વડાપ્રધાન નરેન્દ્ર મોદી આ સપ્તાહ સમીક્ષા બેઠક કરીને અર્થવ્યવસ્થા પર વિચારણા કરશે. મીડિયા રિપોર્ટસ પ્રમાણે આ બેઠકમાં રૂપિયાના નીચા સ્તર અને તેલની વધતી કિંમતો પર ચર્ચા કરવામાં આવશે. ચર્ચા એ પણ છે કે રૂપિયાને મજબૂત કરવા માટે વ્યાજ દરોમાં વધારો કરવામાં આવી શકે છે.

શનિવારે થનારી બેઠકમાં વિત મંત્રી અરૂણ જેટલી, નીતિ આયોગના ઉપાધ્યક્ષ રાજીવ કુમાર, વડાપ્રધાનના આર્થિક સલાહકાર પરિષદના ચેરમેન વિવેક દેવરાય અને વિત સચિવ હસમુખ અધિયા ભાગ લેશે.

વિશેષજ્ઞો જણાવે છે કે અમેરિકી ડોલરના પ્રમાણે રૂપિયો સતત ગબડી રહ્યો છે અને સૌથી નીચા સ્તર પર પહોંચી ગયો છે. આવી સ્થિતિમાં આરબીઆઈ વ્યાજ દરો વધારીને આની પર લગામ લગાવી શકે છે. આ પહેલા વર્ષ ૨૦૧૩માં પણ રૂપિયાના નીચલા સ્તરને રોકવા માટે તે સમયે આરબીઆઈ ગવર્નર રદ્યુરામ રાજને આ પગલુ ભર્યું હતું.

(3:39 pm IST)
  • જમ્મુ-કાશ્મીરઃ શ્રીનગરના પંપોરા : હોટલમાં આગઃ મીડિયાની અનેકઃ ઓફિસો ત્યાં છેઃ ૫ ફાયર ફાઈટર દોડયાઃ શ્રીનગરઃ અહીંની પંપોરા હોટલમાં આગઃ ત્યાં મીડીયાની અનેક ઓફિસો આવેલી છેઃ આગને કાબુમાં લેવા ૫ ફાયર ફાઈટરો દોડયાઃ હોટલ ૬ માળની છેઃ કોઈ જાનહાની નથી access_time 3:18 pm IST

  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST