Gujarati News

પાકિસ્તાનની આઝાદીના દિવસે કે 14 ઓગસ્ટે ઇમરાન ખાન મુઝફ્ફરાબાદ પહોંચ્યા હતા. ઇમરાને પાકિસ્તાન અધિકૃત કાશ્મીર(POK)ની વિધાનસભામાં કહ્યું હતું કે જો ભારત અને પાકિસ્તાન વચ્ચે જંગ થશે તો આ માટે આંતરરાષ્ટ્રીય સમુદાય જવાબદાર રહેશે. સાથે કહ્યું હતું કે પાકિસ્તાનને ડર છે કે ભારત POKમાં બાલાકોટ કરતા પણ મોટી કાર્યવાહી કરી શકે છે. આ મુલાકાત દરમિયાન POKના લોકો ઇમરાન ખાનની વિરુદ્ધમાં રસ્તા ઉપર ઉતરી આવ્યા હતા.

POKની આઝાદીની લડાઈ લડી રહેલા લોકોએ જોરદાર વિરોધ પ્રદર્શન કર્યા હતા. આ દરમિયાન લોકોએ પાકિસ્તાની ફાસિસ્ટ ગો બેક અને ઇમરાન પાછો જા ના નારા લગાવ્યા હતા. આ પહેલા જમ્મુ કાશ્મીરમાંથી આર્ટિકલ 370 હટાવવાના નિર્ણય પછી ગિલગિટ-બલ્ટિસ્તાનના લોકોએ મોદી સરકારને તેમના વિશે પણ વિચાર કરવા અને તેમને ભારતની સંસદમાં અધિકાર આપવાની માંગણી કરી હતી