Gujarati News

Gujarati News

News of Wednesday, 15th August 2018

અમેરિકામાં રેસ્ટોરન્ટ ચલાવતા ભારતીય મૂળના તાજ સરદારને થયેલો કડવો અનુભવ : બિલ ચુકવનાર અમેરિકન ગ્રાહકે પોતે કદાચ અલ કાયદાને ફંડ આપી રહ્યો હોવાની ફેસબુક પર ટિપ્પણી કરી

એશલેન્ડ:અમેરિકાના એશલેન્ડ કિંગ્ઝમાં રેસ્ટોરન્ટ ચલાવતા ભારતીય મૂળના તાજ સરદારને તાજેતરમાં તેમની રેસ્ટોરન્ટમાં આવેલા એક અમેરિકન ગ્રાહકનો ખુબ કડવો અનુભવ થયો છેરેસ્ટોરાંમાં આવેલા આ  ગ્રાહક અને તેના પરિવારનું સ્વાગત ભારતીય રીતિ-રિવાજથી કરવામાં આવ્યું હતું. ભોજન લીધા બાદ તેઓએ રેસ્ટોરાંનો ફોટો ક્લિક કર્યો હતો. બાદમાં તેઓએ ફોટોને ટેગ કરતા ફેસબુક પર લખ્યું કે, 'કદાચ હું અલ કાયદાને ફંડ આપી રહ્યો છું.'તાજ સરદારે જણાવ્યું કે, કોમેન્ટ વાંચ્યા બાદ ઘણું દુઃખ થયું. હું સમજી ના શક્યો કે શું ગંભીર હતું?
-
સરદારે જણાવ્યું કે, તેઓ 2010થી એશલેન્ડમાં રહે છે. આશા છે કે, વ્યક્તિના સાથી મને બહાર કાઢવાની કોશિશ નહીં કરે.

ફેસબુક પર જાતિવાદી ટિપ્પણી થયા બાદ તાજ સરદારને તેમના મિત્રોનું સમર્થન મળી રહ્યું છે. વળી, એશલેન્ડના મેયર સ્ટીવ ગિલમોરે ત્રણ સિટી કમિશનરની સાથે રેસ્ટોરાંની મુલાકાત લીધી અને સરદારને સાંત્વના આપી. ગિલમોરે કહ્યું કે, શહેરમાં જાતિય ભેદભાવ કરનારાઓનું કોઇ સ્થાન નથી. તાજ સરદાર પોતાના પરિવાર સાથે કાયદાકીય રીતે 2006માં અમેરિકા ગયા હતા. 2010માં તેઓએ એશલેન્ડમાં રેસ્ટોરાં ખોલી હતી. સૂત્રોના જણાવ્યા અનુસાર, જાતિવાદી ટિપ્પણી કરનાર વ્યક્તિને પોર્ટ્સમાઉથ ઇમરજન્સી એમ્બ્યુલન્સ સર્વિસથી કાઢી મુકવામાં આવ્યા છે.
કંપનીએ કહ્યું કે, સોશિયલ મીડિયા પર કરવામાં આવેલી ટિપ્પણી અંગે અમને જાણકારી મળી છે. અમે અને અમારી 650 સભ્યોની ટીમ માટે તાજ સરદારની માફી માંગીએ છીએ.

(7:55 pm IST)
  • નરેન્દ્રભાઈ મોદી એક મોડલ છે એક હીરો છે ;ચીફ જસ્ટિઝ પટના હાઇકોર્ટ :જસ્ટિઝ મુકેશ રસિકભાઈ શાહ પટના હાઇકોર્ટના ચીફ જસ્ટિઝ બન્યા :રાજ્યપાલ સત્યપાલ મલિકે લેવડાવ્યા શપથ :જસ્ટિઝ શાહ આ પહેલા ગુજરાત હાઇકોર્ટમાં જજ હતા :1982માં ગુજરાત હાઇકોર્ટમાં વકીલાત શરુ કરી હતી :એક ઇન્ટરવ્યૂમાં તેઓએ મોદીને મોડલ અને હીરો ગણાવ્યા હતા access_time 1:30 am IST

  • દુબઈના વિશ્વ પ્રખ્યાત બુર્જ ખલીફા બિલ્ડીંગ પર આજે ભારતીય સ્વતંત્રતા દિવસ નિમિત્તે ભારતના તિરંગા ના કલરોની રોશની કરવામાં આવી હતી જે તસવીરમાં દર્શાય છે. access_time 12:56 am IST

  • ઇટાલીમાં મોટા પુલની દુર્ઘટના બાદ એક વર્ષ માટે લિગુરીયા પ્રાંતમાં કટોકટી લાદી દેવાઈ :40 કરોડની સહાય જાહેર :જિનો શહેરમાં એક મોટો પુલ દુર્ઘટના બાદ બાર મહિના માટે લિગુરિયા પ્રાંતમાં કટોકટી ઇટાલીના વડા પ્રધાન ગ્યુસ્પે કૉન્ટેએ જાહેર કરી હતી:કેન્દ્ર સરકાર દ્વારા પાંચ મિલિયન યુરો (અંદાજે રૂ. 40 કરોડ)ની સહાય જાહેર કરી છે access_time 12:42 am IST