Gujarati News

Gujarati News

News of Saturday, 15th May 2021

આરએસએસના સરસંઘચાલક મોહન ભાગવતે જણાવ્યું કે કોરોનાની પ્રથમ લહેર બાદ સરકાર અને લોકો બેફિકર થઈ ગયા'તા, પરંતુ આપણે પોઝિટીવ રહેવું પડશે

પોઝિટિવિટી અનલિમિટેડ કાર્યક્રમને સંબોધિત કરતા મોહન ભાગવતે જણાવ્યું કે આ કસોટીનો સમય છે અને આપણે બધાએ ધીરજ જાળવી રાખવી પડશે. હાલની પરિસ્થિતિમાં તર્કહિન નિવેદન ન આપવું જોઈએ. આપણે એકજૂટ રહેવું પડશે અને એક ટીમની જેમ કામ કરવું પડશે.આપણે આજની પરિસ્થિતિનો સામનો કરી રહ્યાં છીએ કારણ કે સરકાર, પ્રશાસન અને જનતા તમામ કોવિડની પ્રથમ લહેર બાદ લાપરવાહ થઈ ગયા હતા. હવે ત્રીજી લહેરની વાત થઈ રહી છે પરંતુ આપણે ડરવાની નહીં પરંતુ પોતાની જાતને તૈયાર રાખવાની જરુર છે.

ભાગવતજીએ ઉમેર્યું કે કોરોના મહામારી માનવતાની સામે મોટો પડકાર છે અને ભારતે દાખલો બેસાડવાનો છે. આપણે દોષો કાઢવાને બદલે એક ટીમ તરીકે કાર્ય કરવું જોઈએ. ટીકા ટીપ્પણીઓ તો આપણે પછીથી પણ કરી શકીશું.

સંઘ સુપ્રીમો શ્રી મોહન ભાગવતે જણાવ્યું કે હું બ્રિટનના પૂર્વ વડાપ્રધાન વિન્સ્ટન ચર્ચિલનું એક વિધાન હમેંશા કહું છું. ચર્ચિલ કહેતા કે મારી ઓફિસમાં નિરાશાવાદને કોઈ સ્થાન નથી. અમે પરાજયની સંભાવના માટે  જરા પણ ઈચ્છુક નથી. પરાજય તો અસ્તિત્વમાં જ નથી. ભારતે પણ આવી જ રીતે મહામારી પર સંપૂર્ણ વિજય મેળવવાનો છે.

(10:52 pm IST)
  • ૨૮મીએ સવારે જીએસટી કાઉન્સિલની બેઠક : ૨૮ મેના સવારે ૧૧ વાગે નાણામંત્રી નિર્મલા સીતારમણના અધ્યક્ષ સ્થાને ૪૩ મી જીએસટી કાઉન્સિલની બેઠક મળશે. access_time 3:22 pm IST

  • કોરોનાએ સુરત જિલ્લા ભાજપના અગ્રણીનો જીવનદીપ બુઝાવ્યો સુરત જીલ્લા ભાજપ લઘુમતી મોરચાના મહામંત્રી શ્રી સિકંદરખાન પઠાણ (બલેશ્વર) તા.પલસાણાનું કોરોના મહામારીથી દુઃખદ અવસાન થયેલ છે. access_time 5:55 pm IST

  • વરિષ્ઠ પત્રકાર અને ફાઇનાન્સીયલ એક્સપ્રેસના એડિટર શ્રી સુનિલ જૈન નું દુઃખદ અવસાન : 12 દિવસ પહેલા તેમણે ટ્વીટ કરીને જણાવ્યું હતું કે તેઓ AIIMS ના ઇમરજન્સી વોર્ડમાં દાખલ થયા છે access_time 11:08 pm IST