Gujarati News

Gujarati News

News of Saturday, 15th May 2021

ઇન્દોરમાં હોમ ક્વોરન્ટાઈન કોરોના સંક્રમિત યુવતી પર 3 ચોરોનો ગેંગરેપ: 50 હજાર અને બે મોબાઈલ લૂંટી ફરાર

બે સગીર આરોપીઓની ધરપકડ : મુખ્ય આરોપી હજુ પણ ફરાર

ઈન્દોર: શહેરમાં કોરોના સંક્રમિત યુવતી પર ઘરમાં ચોરીના ઈરાદે ઘુસી આવેલા ત્રણ શખ્સો દ્વારા સામુહિક દુષ્કર્મની ઘટનાએ ચકચાર મચાવી છે. 3 ચોરોએ કોરોનાના કારણે હોમ ક્વોરન્ટાઈનમાં રહેલી યુવતી સાથે ગેંગ રેપ કર્યો અને પછી 50 હજાર રૂપિયા અને બે મોબાઈલ લઈને ફરાર થઈ ગયા હતા. આ ઘટનાની જાણ થતાં પોલીસે બે સગીર આરોપીઓની ધરપકડ કરી છે, જ્યારે મુખ્ય આરોપી હજુ પણ ફરાર છે

આ અંગે પ્રાપ્ત વિગતો મુજબ, ઈન્દોરના લસૂડિયા પોલીસ મથકની હદમાં આવતી પંચવટી કોલોનીમાં રહેતી એક યુવતી કોરોનાના કારણે હોમ ક્વોરન્ટાઈન થઈ હતી. આ દરમિયાન ચોરીના ઈરાદે કેટલાક શખ્સો તેના ઘરમાં દાખલ થયા હતા અને યુવતીની એકલતાનો લાભ ઉઠાવીને તેના પર સામુહિક દુષ્કર્મ આચર્યું હતું. જે બાદ ચોરોએ જતા-જતા ઘરમાંથી 50 હજાર રૂપિયા રોકડા અને બે મોબાઈલ પોતાની સાથે લઈ ગયા હતા.

પોલીસના જણાવ્યા મુજબ, જધન્ય ગુનાને અંજામ આપનારા આરોપીઓ ગુનાહિત ઈતિહાસ ધરાવે છે. આ ઘટના બાદ મુખ્ય આરોપી પોલીસ પકડથી દૂર છે, જે 2 મહિના પહેલા જ જેલમાંથી છૂટ્યો છે. જેના પર પહેલાથી જ 20 હજાર રૂપિયાનું ઈનામ જાહેર કરવામાં આવ્યું છે

યુવતીએ નોંધાવેલી પોલીસ ફરિયાદ મુજબ, ગુરુવારે રાત્રે બે વાગ્યે 3 શખ્સો અચાનક ઘરે ઘૂસા આવ્યા હતા. તેમના હાથમાં ચાકુ, કેચી અને કટર જેવા હથિયારો હતા. ચોરોએ ચાકુ બતાવતા તે ડરી ગઈ હતી અને ચૂપચાપ 50 હજાર રૂપિયા અને બે મોબાઈલ તેમને આપી દીધા હતા. જો કે બાદમાં ત્રણેય ચોરોની નિયત ખરાબ થઈ ગઈ અને તેમણે ગેંગરેપની ઘટનાને અંજામ આપ્યો.

IG હરિનારાયણ મિશ્રાએ જણાવ્યું કે, ઘટનાની જાણ થયા બાદ પોલીસે સીસીટીવી ફૂટેજ તપાસી આ ગુનામાં સામેલ બે સગીર આરોપીઓની ધરપકડ કરી લેવામાં આવી છે. જ્યારે માસ્ટર માઈન્ડ દિપક પંચવટી હાલ ફરાર હોવાથી તેની શોધખોળ માટેના ચક્ર ગતિમાન કર્યાં છે.

(6:49 pm IST)
  • પૂ. ભાઈશ્રી શ્રી રમેશભાઈ ઓઝા ના અવસાનના તદ્દન ખોટા સમાચાર સોશ્યલ મીડિયા પર કોઈ અરાજકતાવાદી તત્વોએ ફેલાવ્યા : વિખ્યાત લેખક જય વસાવડા અને શ્રી સાંઈરામ દવે એ પોરબંદર સ્થિત સાંદિપની આશ્રમ ખાતે જાતે કરી છે ખરાઈ : પૂ. ભાઈશ્રી છે સંપૂર્ણ સ્વસ્થ access_time 12:18 am IST

  • વાવાઝોડું તૌકતે કર્ણાટકના સાગરકાંઠે અથડાયું : વાવાઝોડું તૌકતે કર્ણાટકના સાગરકાંઠે અથડાયું છે મળતી વિગતો મુજબ રાત્રે વાવાઝોડું તૌકતે કર્ણાટકના સાગરકાંઠે અથડાયું છે. ગૃહ મંત્રાલય પરિસ્થિતિનું આકલન કરી રહી છે અને રાજ્ય સરકાર તથા કેન્દ્રીય એજન્સીઓના સતત સંપર્કમાં છે. access_time 10:40 pm IST

  • હવે ગોવાની તમામ ૨૧ ખાનગી હોસ્પીટલોમા પણ કોરોનાની સારવાર મફતમા થશે : સારવારનો તમામ ખર્ચો ભોગવશે રાજ્ય સરકાર : મહત્વની જાહેરાત કરતા ગોવાના મુખ્યમંત્રી પ્રમોદ સાવંત access_time 10:41 pm IST