Gujarati News

Gujarati News

News of Wednesday, 15th May 2019

આસામની રાજયભાની બે સીટ માટે સાતમી જૂને મતદાન થશે

૧૪ જુને મનમોહનસિંહ અને સંતિયુસ કુજુરનો કાર્યકાળ પુરો થાય છે

નવીદિલ્હી,તા.૧૫: દેશમા હાલ લોકસભાની ચૂંટણી ચાલી રહી છે ત્યારે આસામની રાજ્યસભાની બે સીટ માટે આગામી સાતમી જુૂને મતદાન કરવામા આવશે. ચૂૂટણી પંચે આ બંને સીટ માટે સાતમી જૂને મતદાન કરાવવા નિર્ણય લીધો છે. આસામની આ બે સીટ પરના સભ્યમા પૂર્વ વડાપ્રધાન મનમોહનસિંહ અને સંતિયુસ કુજુરનો કાર્યકાળ ૧૪ જૂને પુરો થઈ રહ્યો છે. તેના કારણે આ બંને સીટ ખાલી પડી રહી છે.

ચૂંટણી પંચ દ્વારા જાહેર કરવામા આવેલા કાર્યકમ મુજબ આ બંને સીટ માટે સાતમી જૂને મતદાન કરવામા આવશે. જેમા આસામની આ બંને સીટ પર રાજ્યસભાના સભ્ય ડો. મનમોહનસિંહ અને કુજુરનો કાર્યકાળ ૧૪મી જૂને પુરો થઈ રહ્યો છે. આસામની આ બંને સીટ માટે ૨૧મી મેના રોજ જાહેરનામુ બહાર પાડવામા આવશે. આ માટે ઉમેદવારીપત્ર ભરવાની આખરી તારીખ ૨૮મી મે રહેેશે. જ્યારે ૨૯મી મેના રોજ ચકાસણી બાદ ૩૧ મે સુધીમા ઉમેદવારી પત્ર પરત ખેંચી શકાશે, જ્યારે સાતમી જૂને સવારના નવ વાગ્યાથી સાંજના ચાર વાગ્યા સુધી મતદાન કરવામા આવશે. તેમજ આ દિવસે જ સાંજે પાંચ વાગ્યાથી મતગણતરી હાથ ધરવામા આવશે. રાજ્યસભાના સભ્યની ચૂટણીમા રાજ્ય વિધાનસભાના સભ્ય મતદાન કરે છે. આસામમા રાજ્યસભાની સાત સીટ છે તેમાથી છ સીટ હાલ કોંગ્રેસ પાસે છે.

(3:47 pm IST)
  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST