Gujarati News

Gujarati News

News of Wednesday, 15th May 2019

લોકસભાની અંતિમ તબક્કાની ચૂંટણીમાં પણ ગુન્હાહિત કેસમાં સંડોવાયેલ ઉમેદવારોની ભરમાર : ૩૩ બેઠક રેડ એલર્ટ જાહેર

૫૯ સીટ પૈકી ૩૩ બેઠકમાં ઉમેદવારો પર ત્રણથી વધુ ગુન્હાહિત મામલા નોંધાયેલ છે : બિહારમાં સૌથી વધુ

નવી દિલ્હી તા. ૧૫ : લોકસભા ચૂંટણીનો અંતિમ અને સાતમા તબક્કાનું મતદાન ૧૯મી મેના રોજ થનાર છે, અંતિમ તબક્કામાં દરેક પાર્ટીએ ચૂંટણી પ્રચાર માટે એડી-ચોટીનું જોર લગાવ્યું છે ત્યારે એસોસિએશન ફોર ડેમોક્રેટિક રિફોર્મ્સે રિપોર્ટ જાહેર કર્યો છે જેમાં આ વાતનો ખુલાસો કર્યો છે કે ૫૯ સીટમાંથી ૩૩ સીટને રેડ અલર્ટ સીટ ઘોષિત કરી દેવામાં આવી છે

આ ૩૩ સીટ એવી છે, જયાં ત્રણ કે ત્રણથી વધુ ઉમેદવારો પર અપરાધિક મામલા નોંધાયેલ છે જેમાં બિહારના કારાકાટમાં ૯, બકસરમાં ૮ અને નાલંદા તથા જહાનાબાદમાં ૬-૬- દાગી ઉમેદવાર છે તો પંજાબના લુધિયાણા અને યૂપીની વારાણસીમાં પાંચ-પાંચ દાગી ઉમેદવારો છે. સાતમાં તબક્કામાં કુલ ૯૦૯ ઉમેદવારોમાંથી ૧૭૦ ઉમેદવારો વિરુદ્ઘ અપરાધિક મામલા ઘોષિત કરવામાં આવ્યા છે, જયારે ૧૨૭ ઉમેદવારો વિરુદ્ઘ અતિ ગંભીર અપરાધિક મામલા ઘોષિત કરવામાં આવ્યા છે. ભાજપના ૪૩માંથી ૧૮ ઉમેદવારો પર ગુના દાખલ છે. કોંગ્રેસના ૪૫માંથી ૧૪ ઉમેદવારો પર અપરાધિક મામલા નોંધાયેલ છે. બસપાના ૩૯માંથી ૬ ઉમેદવારો પર, આમ આદમી પાર્ટીા ૧૪માંથી ૩ અને ૩૧૩ અપક્ષ ઉમેદવારોમાંથી ૨૯ ઉમેદવારો પર અપરાધિક મામલા નોંધાયેલા છે.

પશ્ચિમ બંગાળની બરાસત સીટ પર ભાજપના ઓલી મોહમ્મદ મલિક વિરુદ્ઘ આઈપીસીની કલમ ૩૨૩ અંતર્ગત ૩૨ કેસ નોંધવામાં આવ્યા છે. ઉત્તર પ્રદેશની વારાણસી સીટ પરથી અપક્ષ ઉમેદવાર અતીક અહમદ પર આઈપીસીની કલમ ૨૩૯ અંતર્ગત ૫૯ કેસ નોંધાયેલ છે, જયારે બિહારની બકસર સીટ પર જનતાંત્રિક વિકાસ પાર્ટીના ઉમેદવાર અનિલ કુમાર પર આઈપીસીની કલમ ૧૦૪ અંતર્ગત ૨૨ કેસ દાખલ છે.

(1:18 pm IST)
  • ગુજરાતના તમામ જિલ્લા-શહેરમાં વોન્ટેડ બુટલેગરનો કબ્જો વડોદરા પોલીસ ટ્રાન્સફર વોરંટ આધારે મેળવશે : રાજસ્થાન અને મધ્ય પ્રદેશને બેઈઝ બનાવી ગુજરાતભરમાં રાજકોટ સહિત વિવિધ શહેર-જિલ્લામાં દારૂ સપ્લાય કરવાના ગુન્હામાં વોન્ટેડ એવા વિજુ સિંધીનો કબ્જો રાજસ્થાનથી મેળવવા પોલીસ કમિશ્નર અનુપમસિંહ ગેહલોતે કાર્યવાહી શરૂ કરાવી હોવાનું બહાર આવ્યુ છે. વિજુ સિંધી આમ તો દોઢ વર્ષથી વડોદરામાં ફરકયો નથી access_time 3:22 pm IST

  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • અમેરિકના પ્રાંત અલબામામાં ગર્ભપાત પર લાગ્યો પ્રતિબંધ :આરોપી ડોક્ટરને મળશે 99 વર્ષની જેલસજા :અલબામાની સેનેટે ગર્ભપાત પર પ્રતિબંધવાળા વિધેયકને પસાર કર્યો ; વિધેયકની જોગવાઈ મુજબ ગર્ભપાત કરનાર ડોક્ટરને 99 વર્ષની જેલ થશે access_time 1:06 am IST