Gujarati News

Gujarati News

News of Thursday, 15th April 2021

દુષ્કર્મનો બદલો લેવા પિતાએ પરિવારના છની હત્યા કરી

આંધ્રમાં ખોફનાક હત્યાકાંડ

વિશાખાપટ્ટનમ, તા. ૧૫ : આંધ્ર પ્રદેશના વિશાખાપટ્ટનમ જિલ્લાના એક ગામમાં ગુરુવારે બનેલા એક ખોફનાક હત્યાકાંડમાં એક જ ઘરના ૬ સભ્યોને એક વ્યક્તિએ મોતને ઘાટ ઉતારી દીધા હતા.

પોલીસે આ મામલાની તપાસ શરુ કરી છે. એવુ કહેવાઈ રહ્યુ છે કે, મૃતક પરિવારના એક સભ્યે ગામની યુવતી પર કથિત રીતે દુષ્કર્મ કર્યું હતું. આ સાંભળીને યુવતીના પિતાએ બદલો લેવાનુ નક્કી કર્યુ હતુ. એ પછી તેણે રેપ કરનારના પરિવારને ટાર્ગેટ કરીને  આ હત્યાકાંડને અંજામ આપ્યો હતો. જોકે દુષ્કર્મ કરનાર તો હજી ફરાર છે. પોલીસે ઘટનાની તપાસ શરુ કરી છે. દરમિયાન ગામમાં લોકોના ટોળેટોળા એકઠા થઈ ગયા હતા. પોલીસે આ મામલામાં હવે ગામના લોકોની પણ પૂછપરછ શરુ કરી છે. જોકે હત્યા કરનાર પકડાયો કે નહીં તે અંગે પોલીસે હજી કોઈ જાણકારી આપી નથી.

(7:50 pm IST)
  • ઘેર ઘેર કોરોનાના દર્દીઓ અને આગામી 15 દિવસ કે 1 મહિનામાં શું થશે તે કહેવું મુશ્કેલ: કેન્દ્રીય મંત્રી નીતિન ગડકરીએ જણાવ્યું કે કોરોના વાઈરસ કેટલો ખતરનાક બનશે અને ક્યાં સુધી ચાલશે તેની કોઈ ગેરન્ટી નથી : લોકોએ સારુ વિચારવું જોઈએ અને સૌથી ખરાબ માટે તૈયાર રહેવું જોઈએ. આ મહામારીને નાથવા લાંબાગાળાની વ્યવસ્થા કરવી જોઈએ: નાગપુરમાં 100 બેડવાળી કોવિડ કેન્દ્રનું ઉદ્ધાટન કરતા ગડકરીએ જણાવ્યું કે સ્થિતિ અત્યંત ગંભીર છે અને કોઈને ખબર નથી કે ક્યાં સુધી ચાલશે access_time 11:50 pm IST

  • ગુજરાત હાઈકોર્ટની સાફ સાફ વાત : રેમડેસીવીર અમૃત નથી તે અંગેની જાણકારી અને જાગૃતતા પ્રજા સુધી પહોંચે તેવા પગલા લેવા ગુજરાત હાઈકોર્ટે ગુજરાત સરકારને તાકીદ કરી છે અને કહ્યું છે કે રેમડેસીવીર ૯૦૦ રૂ. મળશે તે આજે ૧૪ થી ૧૫ હજારમાં વેચાય છે : રેમડેસીવીરના કાળા બજાર કેમ થાય છે તે અંગે જાણવુ જરૂરી છે : ગુજરાતના એડવોકેટ જનરલે હાઈકોર્ટ સમક્ષ ગુજરાત સરકાર વતી સ્વીકાર કરી લેતા જણાવેલ કે અમારે વધુ પડતા વિશ્વાસમાં રહેવાની જરૂર નહોતી access_time 12:10 pm IST

  • રાજયના માજી ગૃહમંત્રી અને ભાજપના દિગ્‍ગજ નેતા ગોરધનભાઈ ઝડફીયાને કોરોના access_time 4:00 pm IST