Gujarati News

Gujarati News

News of Thursday, 15th April 2021

ફુટયો મોંઘવારીનો બોંબ : જથ્થાબંધ ફુગાવો ૮ વર્ષની ટોચે

માર્ચમાં જથ્થાબંધ મોંઘવારીનો આંક પહોંચ્યો ૭.૩૯ ટકા : ફેબ્રુઆરીમાં હતો ૪.૧૭ ટકા

નવી દિલ્હી તા. ૧૫ : આઠ વર્ષની ઉંચાઇ પર જથ્થાબંધ મોંઘવારી દર પહોંચ્યો છે. ક્રુડ ઓઇલ અને મેટલની કિંમતોના વધારાના કારણે જથ્થાબંધ ભાવો પર આધારિત મોંઘવારી માર્ચમાં વધીને ૭.૩૯ ટકા થયો, જે ફેબ્રુઆરીમાં ૪.૧૭ ટકા હતી. જથ્થાબંધ મોંઘવારીનો આટલા પ્રમાણમાં ઉંચુ સ્તર એ પહેલા ૨૦૧૨માં હતો. જ્યારે મોંઘવારી દર ૭.૪ ટકા હતો.

ક્રુડ ઓઇલ અને મેટલની વધતી કિંમતોના કારણે જથ્થાબંધ ભાવો પર આધારિત મોંઘવારી માર્ચમાં આઠ વર્ષના ઉચ્ચતમ સ્તર ૭.૩૯ ટકા પર પહોંચી ગયો. ગયા વર્ષે માર્ચના નિમ્ન આધારના કારણે પણ માર્ચ ૨૦૨૧માં મોંઘવારી તેજીથી વધ્યો. ગયા વર્ષે કોરોના મહામારી પ્રકોપને રોકવા માટે લગાવેલા દેશવ્યાપી લોકડાઉનના લીધે કિંમતો ઓછી હતી. જથ્થાબંધ મૂલ્ય સૂચકાંક પર આધારીત મોંઘવારી ફેબ્રુઆરીમાં ૪.૧૭ ટકા અને માર્ચ ૨૦૨૦માં ૦.૪૨ ટકા હતી. જથ્થાબંધ મૂલ્ય આધારિત મોંઘવારીમાં સતત ત્રીજા મહીને વધારો થશે.  વાણિજ્ય અને ઉદ્યોગ મંત્રાલયે કહ્યું કે, મોંઘવારીના વાર્ષિક દર માર્ચ ૨૦૨૦ની સરખામણીએ માર્ચ ૨૦૨૧માં ૭.૩૯ ટકા હતી. માર્ચમાં ખાદ્યપદાર્થોનો મોંઘવારી દર ૩૨૪ ટકા રહ્યો અને આ દરમિયાન ફળો, દાળો અને ધાનની કિંમતોમાં ઘટાડો થયો છે.  પેટ્રોલ અને ડિઝલની વધતી કિંમતોના કારણે માર્ચમાં ઇંધણ અને વિજળીની મોંઘવારી ૧૦.૨૫ ટકા રહી જે ફેબ્રુઆરીમાં ૦.૫૮ ટકા હતી.

(3:30 pm IST)
  • દેશમાં કોરોના કેસમાં ભયાનક ઉછાળો :પહેલીવાર નવા કેસનો આંક 2 લાખ નજીક પહોંચ્યો : તમામ રેકોર્ડ તૂટયા : એક્ટિવ કેસમાં ધરખમ વધારો : રાત્રે 12 વાગ્યા સુધીમાં કોરોનાના નવા 1,99,376 કેસ નોંધાયા :કુલ કેસની સંખ્યા 1,40,70,890 થઇ :એક્ટિવ કેસ 14,65,877 થયા : વધુ 93,418 દર્દીઓ સ્વસ્થ થતા કુલ 1,24,26,146 સાજા થયા :વધુ 1037 લોકોના મોત સાથે કુલ મૃત્યુઆંક 1,73,152 થયો : મહારાષ્ટ્રમાં સૌથી વધુ 58,952 નવા કેસ, :ઉત્તર પ્રદેશમાં 20,439 કેસ, દિલ્હીમાં 17,282 કેસ , છત્તીસગઢમાં 14,250 કેસ અને કર્ણાટકમાં 11,265 કેસ નોંધાયા access_time 1:12 am IST

  • રેમડેસિવિર ઇન્જેક્શનના કાળાબજાર કરતા વાપીના ઉદ્યોગપતિ અને ફર્નિચર શો રૂમનો માલિક વરુણકુંદ્રાઅને દમણના ફાર્મા કંપનીનો મેનેજર મનીષ સિંઘ ઝડપાયો: SOG પીએસઆઈ રાણાએ નક્લી ગ્રાહક બની ને રેમડેસિવિર ઇન નક્લી ગ્રાહક બનીને છકઠું ગોઠવી રેકેટ નો કર્યો પર્દાફાશ:. બંનેની ધરપકડ access_time 12:07 am IST

  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST