Gujarati News

Gujarati News

News of Thursday, 15th April 2021

માણસાઈ મરવા પર થઈ મજબૂરઃ મૃતદેહોને કચરાની ગાડીમાં લઈ જવાયા

શબ વાહન ન મળતાઃ તેમની લાશોને નગર પંચાયતનો કચરો ફેંકનારા વાહનમાં લઈ જવાઈ રહ્યા છે

રાંચી, તા.૧૫: છત્તીસગઢના રાજનાંદગાવ જિલ્લામાં કોરોનાથી જે લોકોના મોત થયા છે તેમને શબ વાહન શુદ્ઘા નથી મળી રહ્યા. તેમની લાશોને નગર પંચાયતનો કચરો ફેંકનારા વાહનમાં લઈ જવાઈ રહ્યા છે. ડોંગરગામ કોવિડ કેર સેન્ટરમાં ૧૩ એપ્રિલના રોજ ૨ સગી બહેનો સહિત ૩ લોકોને દાખલ કરવામાં આવ્યા હતા. આરોપ છે કે આકિસજનની અછતના કારણે ત્રણેયના મોત કોરોનાથી થયા છે.

ડોગરગાંમના સામુદાયિક સ્વાસ્થ્ય કેન્દ્રમાં પણ એક વ્યકિતનું મોત ઓકિસજનની અછતના કારણે મોત થઈ રહ્યા છે. આ ચારેની લાશો નગર પંચાયતના કચરામાં ફેંકનારા વાહનોમાં મુકિતધાન લઈ જવામાં આવ્યા છે.

સમગ્ર મામલામાં સીએમએચઓ ડો. મિથલેશ ચૌધરીએ કહ્યું કે દર્દીનું ઓકિસજન લેવલ બહું ઓછું હતુ. કચરા વાહનથી લાશને લઈ જવાના મામલામાં તેમણે કહ્યું કે લાશ લઈ જવાની વ્યવસ્થા સીએમઓ અને નગર પંચાયતની છે. તે જ અંતિમ સંસ્કાર માટે લાશોને મુકિતધામ લઈ જાય છે.

ઉલ્લેખનીય છે કે છત્તીસગઢની રાજધાની રાયપુરના સૌથી મોટા સરકારી હોસ્પિટલ ભીમરાવ આંબેડકરના અનેક વીડિયો વાયરલ થઈ રહ્યા છે. રાયપુરમાં કોરોનાથી મોતના આંકડા વધ્યા છે જેના કારણે હોસ્પિટલોમાં લાશોને લઈ જવા માટે એમ્બ્યુલન્સની અછત સર્જાઈ છે. અંતિમ સંસ્કાર માટે ટ્રકોમાં રાખીને સ્મશાન દ્યાટ લઈ જવાઈ રહ્યા છે. એક ટ્રકમાં ૭ થી ૮ લાશોને લઈ જવામાં આવે છે. પ્રશાસન તરફથી ટ્રક પર શબ વાહન લખવામાં આવ્યું છે.  વીડિયો અનુસાર લાશોને રાખવા માટે ફ્રીજરની જગ્યા નથી. તેવામાં કેટલાક તો ખુલ્લા આકાશની નીચે તડકામાં સ્ટ્રેચર પર જોવા મળ્યા તો અનેક જમીન પર પડેલા જોવા મળ્યા.

(10:46 am IST)
  • દેશમાં કોરોનાનો વ્યાપ વિકરાળ થતો જાય છે : છેલ્લા 24 કલાકમાં ભારતમાં ઓલટાઈમ રેકર્ડબ્રેક 2,16,669 નવા કોરોના વાયરસ કેસ નોંધાયા છે, જે અત્યાર સુધીમાં સૌથી વધુ એક દિવસીય વધારો છે અને આજે 1,173 નવા દુઃખદ મૃત્યુ દેશમાં નોંધાયા છે. access_time 12:02 am IST

  • ભારત બાયોટેકના કોવેક્સિન રસીના નિર્માણ માટે કેન્દ્ર દ્વારા મહારાષ્ટ્રની હેફકીન સંસ્થાને મંજૂરી આપવામાં આવી છે : રસીના પ્રોડક્શનને વેગ મળશે access_time 11:47 pm IST

  • બીસીસીઆઈએ ટીમ ઈન્ડિયા (સિનિયર પુરુષ કેટેગરી) માટે ઓક્ટોબર 2020 થી સપ્ટેમ્બર 2021 ના ​​સમયગાળા માટે વાર્ષિક કરારની ઘોષણા કરી : ગ્રેડ A+ માં વિરાટ કોહલી, જસપ્રિત બુમરાહ અને રોહિત શર્મા નો સમાવેશ કરાયો access_time 11:28 pm IST