Gujarati News

Gujarati News

News of Thursday, 15th April 2021

ઓક્સિજનની જરૂર હોય એવા દર્દીને જ રેમડેસિવરની મંજૂરી

કેન્દ્ર સરકારે નવી ગાઈડલાઈન બહાર પાડી : સરકારે હવે હોસ્પિટલ સિવાય બીજી કોઈ પણ જગ્યાએ રેમડિસિવિરના ઉપયોગ કરવા પર પ્રતિબંધ મુકી દીધો

નવી દિલ્હી, તા. ૧૪ : કોરોના મહામારીના હાહાકાર વચ્ચે રેમડિસિવર ઈન્જેક્શનની સર્જાયેલી અછત વચ્ચે કેન્દ્ર સરકારે તેના ઉપયોગ માટે નવી ગાઈડલાઈન બહાર પાડી છે.

નવા નિયમો પ્રમાણે સરકારે હવે હોસ્પિટલ સિવાય બીજી કોઈ પણ જગ્યાએ રેમડિસિવિરના ઉપયોગ પર પ્રતિબંધ મુક્યો છે. સરકારે કહ્યુ છે કે, રેમડિસિવિરનો ઉપયોગ મેડિકલ શોપમાં નહીં થાય. તેનો ઉપયોગ માત્ર હોસ્પિટલમાં એ જ દર્દીઓ પર કરવામાં આવશે જેમને ઓક્સિજનની જરુર પડતી હોય છે. આ ઈન્જેક્શનનો ઘરે પણ ઉપયોગ નહીં થઈ શકે.

મતલબ કે દુકાનો પરથી કોઈ આ ઈન્જેક્શન ખરીદી નહીં શકે. કોવિડના મામલામાં થઈ રહેલા વધારાના કારણે હાલમાં રેમડિસિવરની માંગમાં ભારે વધારો થયો છે. આ સિવાય સરકારે હોસ્પિટલ અને ગંભીર દર્દીઓ સુધી ઈન્જેક્શન પહોંચે તે માટે ઉપરોક્ત નિર્ણય લીધા છે.

સરકારે રેમડિસિવિર બનાવતી ઘરેલુ કંપનીઓે કહ્યુ છે કે, દવાના સ્ટોક, ડિટેલ અને ડિસ્ટ્રિબ્યુટરને લગતી જાણકારી વેબસાઈટ પર ઉપલબ્ધ કરાવવામાં આવે. જો કોઈ કંપની કે ડિસ્ટ્રિબ્યુટર છેતરપિંડી કરતા પકડાશે તો તેમના પર કાર્યવાહી થશે.

સરકારનુ કહેવુ છે કે, આવનારા દિવસોમાં તેની માંગમાં હજી વધારો થવાનો છે. જેના કારણે ઈન્જેક્શન પર પ્રતિબંધ મુકવો જરુરી છે.

(12:00 am IST)
  • ઈલેક્શનવાળા રાજ્ય બંગાળમાં 420%, આસામમાં 532% અને તમિલનાડુમાં 169% કોરોનાના કેસ વધ્યા; મોતના આંકડામાં 45%નો વધારો. access_time 3:45 pm IST

  • પોલીસ ઈન્સપેકટરની શારીરિક કસોટી મુલતવી રહી : એપ્રિલની તમામ પરીક્ષાઓ મુલતવી : મે ની પરીક્ષા માટે હવે પછી નિર્ણય લેવાશે. : જીપીએસસી દ્વારા ૨૨ થી ૨૬ એપ્રિલ દરમિયાન યોજાનાર પોલીસ ઈન્સપેકટરની શારીરિક કસોટી મુલતવી રાખવાનો નિર્ણય કરવામાં આવ્યો છે. એિ-લ મહિનાની તમામ પરીક્ષાઓ મુલતવી રાખવાનો નિર્ણય લેવાયો. જ્યારે ૨ મે થી શરૂ થતી પરીક્ષાઓ બાબતે પરિસ્થિતિની સમીક્ષા કરી બાદ નિર્ણય લેવાશે. access_time 5:50 pm IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST