Gujarati News

Gujarati News

News of Friday, 15th March 2019

ચીની માલના બહિષ્કારનો ટ્વિટર પર નવો ટ્રેન્ડ

નવી દિલ્હી તા. ૧૫ : સંયુકત રાષ્ટ્રસંઘની સલામતી સમિતિમાં પાકિસ્તાની મસૂદ અઝહરને વૈશ્વિક આતંકવાદી જાહેર કરવાની દરખાસ્તને ચીને બ્લોક કર્યા પછી સોશ્યલ નેટવર્કિંગ સાઇટ ટ્વિટર પર ચીનના માલસામાનના બહિષ્કારનો અનુરોધ કરતી પોસ્ટ્સનો રાફડો ફાટ્યો છે. 'બોયકોટ' ચાઇનીઝ પ્રોડકટ્સનો નવો ટ્રેન્ડ ટ્વિટર પર વ્યાપક બન્યો છે. હજારો ઇન્ડિયન ટ્વિટર યુઝર્સ 'બોયકોટ' ચાઇનીઝ પ્રોડકટ્સના નવા ટ્રેન્ડમાં સામેલ થઈને ચીન સિવાય અન્ય કોઈ પણ દેશની પ્રોડકટ્સ ખરીદવાની ભલામણ લોકોને કરે છે.

ઇન્ડિયન ટ્વિટર યુઝર્સ કહે છે કે આંતરરાષ્ટ્રીય મંચ પર ભારતવિરોધી વલણ અપનાવનારા ચીનને પાઠ ભણાવવા માટે દેશમાં ચીની માલસામાનના બહિષ્કારની અનિવાર્યતા છે. ભારતમાં મોબાઇલ ફોન્સથી કોસ્મેટિકસ સુધીની અનેક ચીજો અને સાધનોની નિકાસ ચીન કરે છે.

(11:37 am IST)
  • કાલથી ગરમીમાં ઉછાળો આવશે : કાલથી ગરમીમાં ક્રમશઃ વધારો થતો જશે : સોમ-મંગળ તાપમાન ૩૬ ડિગ્રીને પાર કરી જશેઃ તા.૨૦-૨૧ ફરી આંશિક ઘટશે : તા.૧૬થી ૧૯મીના સાંજ સુધી ભેજનું પ્રમાણ ઓછુ રહેશે : વેધરએનાલીસ્ટ અશોકભાઈ પટેલની આગાહી access_time 3:51 pm IST

  • જયંતી ભાનુશાળી હત્યાકેસમાં છબીલ પટેલના દસ દિવસના રિમાન્ડ મંજૂર : વિનોદ ગાલા દ્વારા ભૂજ ::જેન્તી ભાનુશાળી હત્યા કેસ પ્રકરણમાં પોલીસે કોર્ટમાં રજુ કરતા ભચાઉ કોર્ટે છબીલ પટેલ ના 10 દિવસ ના રિમાન્ડ મંજુર કર્યા છે હત્યા પ્રકરણમાં 25 માર્ચ સુધી છબીલ પટેલ ના રિમાન્ડ મંજુર કરવામાં આવ્યા છે access_time 4:41 pm IST

  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST