Gujarati News

Gujarati News

News of Friday, 15th March 2019

અજીમ પ્રેમજીઅે વિપ્રો‌ લિમીટેડની ૩૪ ટકા ભાગીદારી અેટલે કે રૂપિયા ૨૧ અરબ ડોલર પરોપકાર કાર્ય માટે દાનમાં આપી દીધા

આઇટી દિગ્ગજ અને વિપ્રોના અધ્યક્ષ અજીમ પ્રેમજીએ વિપ્રો લિમિટેડની 34 ટકા ભાગીદારી એટલે કે 52,750 કરોડ રૂપિયા (7.5 અરબ ડોલર) બજાર કિંમતના શેર પરોપકાર કાર્ય માટે દાનમાં આપી દીધા છે. ફાઉંડેશને નિવેદનમાં કહ્યું કે 'અજીમ પ્રેમજીએ પોતાની અંગત સંપત્તિઓનો વધુમાં વધુ ત્યાગ કરી અને ધર્માથ કાર્ય માટે તેને દાન કરીને પરોપકાર પ્રત્યે પોતાની પ્રતિબદ્ધતા વધારી છે, જેથી અજીમ પ્રેમજી ફાઉંડેશનના પરોપકાર કાર્યોનો સહયોગ મળશે.''

નિવેદન અનુસાર આ પહેલથી પ્રેમજી દ્વારા પરોપકાર કાર્ય માટે દાનની કુલ રકમ 145,000 કરોડ રૂપિયા (21 અરબ ડોલર) થઇ ગઇ છે, જોકે વિપ્રો લિમિટેડના આર્થિક સ્વામિત્વના 67 ટકા છે. હાલમાં વિપ્રોમાં તેમની ભાગીદારી લગભગ 74.3 ટકા છે.

અઝીમ પ્રેમજી શિક્ષણ ક્ષેત્રમાં મોટાપાયે કામ કરી રહ્યા છે. આ ઉપરાંત તે ઘણા NGO ને પણ આર્થિક મદદ કરે છે. આ તે સંસ્થા છે જે મોટા હેતુ માટે વર્ષોથી કામ કરતી આવી છે અને આગળ પણ કામ કરતા રહેવું જરૂરી છે. આંતરિયાળ ગ્રામીણ વિસ્તારોમાં શિક્ષણના પ્રચાર માટે તે રાજ્યોની સરકાર સાથે મળીને કામ કરી રહી છે.

અજીમ પ્રેમજીની સંસ્થા હાલમાં શિક્ષણ ક્ષેત્રે કર્ણાટક, ઉત્તરાખંડ, રાજસ્થાન, છત્તીસગઢ, પોડુંચેરી, તેલંગાણા, મધ્યપ્રદેશ અને નોર્થ ઇસ્ટના ઘણા રાજ્યોની સરકાર સાથે મળીને કામ કરી રહી છે. તેમનું માનવું છે કે યોગ્ય શિક્ષણ મળતાં ઘણી સમસ્યાઓ દૂર કરી શકાય છે. અજીમ પ્રેમજી ફાઉંડેશને બેગલુરૂમાં અજીમ પ્રેમજી યુનિવર્સિટી પણ ખોલી છે. તેમના દ્વારા નિવેદન જાહેર કરતાં કહેવામાં આવ્યું છે કે અજીમ પ્રેમજી ફાઉંડેશન આગળ કેટલાક વર્ષોમાં નોર્થ ઇસ્ટ ભારતમાં બીજી યુનિવર્સિટી ખોલશે.

(12:00 am IST)
  • ગીતા પટેલને ધાંગ્રધા બેઠક ઉપરથી લડાવોઃ હાર્દિકની કોંગ્રેસ સમક્ષ માંગ : ગીતા પટેલ છે હાર્દિકના સાથી : હાર્દિક પટેલે ગીતા પટેલ માટે કરી ટીકીટની માંગણીઃ ગીતા પટેલ માટે ધાંગ્રધા બેઠક પરથી ટિકીટની માગ access_time 3:57 pm IST

  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST