Gujarati News

Gujarati News

News of Thursday, 15th February 2018

નિરવ મોદીને ભગાડવામાં ભાજપ સામેલ? રાહુલ - કેજરીવાલ મેદાને

ભાજપ કહે છે ૨૦૧૧માં કૌભાંડ થયેલ, ત્યારે અમારી સરકાર નહોતી

નવી દિલ્હીઃ પંજાબ નેશનલ બેન્કમાં થયેલા ૧૧,૫૦૦ કરોડ રૂપિયાના કૌભાંડને લઇને વિપક્ષે ભાજપ પર પ્રહાર કર્યા હતા. કોગ્રેસ અધ્યક્ષ રાહુલ ગાંધી અને આમ આદમી પાર્ટી સંયોજક અને દિલ્હીના મુખ્યમંત્રી અરવિંદ કેજરીવાલે ટ્વિટ કરીને કેન્દ્રની મોદી સરકારને દ્યેરવાનો પ્રયાસ કર્યો હતો.

રાહુલ ગાંધીએ ટ્વિટમાં લખ્યું હતું કે,આ કૌભાંડના મુખ્ય આરોપી નીરવ મોદીએ દાવોસમાં વડાપ્રધાન મોદી સાથે મુલાકાત કરી હતી. આ અગાઉ રાહુલે લખ્યું કે, વડાપ્રધાન મોદી સાથે દેખાયો અને પછી લોકોના પૈસા લઇને માલ્યાની જેમ ફરાર થઇ જાઓ.

 કોગ્રેસના વરિષ્ઠ નેતા રણદીપ સુરજેવાલાએ પણ કૌભાડને લઇને મોદી સરકાર પર નિશાન સાધ્યું હતું અને તેને મોદી સ્કેમ ગણાવ્યું હતું. સુરજેવાલાએ સવાલ ઉઠાવ્યો હતો કે શું એ નિયમ બની ગયો છે કે લોકોના પૈસા લઇને લોકોને ભગાડવામાં મદદ કરવામાં આવશે? કોણ દોષિત છે?

આ કૌભાંડ પર નાણામંત્રી અરુણ જેટલીએ બોલવાનું ટાળ્યું હતું. પરંતુ કેન્દ્રિય મંત્રી ચૌધરી વીરેન્દ્રસિંહે કહ્યું હતું કે, પીએનબીનું કૌભાંડ ખૂબ મોટું છે. તપાસ થવી જોઇએ અને કાર્યવાહી કરવી જોઇએ. બીજી તરફ દિલ્હીના મુખ્યમંત્રી કેજરીવાલે એક ટ્વિટને રિટ્વિટ કરી જણાવ્યું હતું કે, શું તેના પર વિશ્વાસ કરવો મુશ્કેલ છે કે નીરવ મોદી અથવા વિજય માલ્યા બીજેપી સરકારની મદદ વિના દેશ છોડવામાં સફળ થયા હોય?

જોકે, વિપક્ષના સવાલ પર બીજેપીએ કહ્યું હતું કે, આ કૌભાંડ ૨૦૧૧માં થયું હતુ. તે સમયે અમારી સરકાર નહોતી.

(5:00 pm IST)
  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • ૧૯ ફેબ્રુઆરી સોમવારથી ગુજરાત વિધાનસભા સત્રનો પ્રારંભ થશે access_time 3:40 pm IST

  • ગોવાના મુખ્યમંત્રી મનોહર પર્રિકરની તબિયત લથડી ;મુંબઈની લીલાવતી હોસ્પિટલમાં દાખલ કરાયા : access_time 1:08 am IST