Gujarati News

Gujarati News

News of Wednesday, 14th February 2018

‘‘હોલી હૈ ભાઇ હોલી હૈ'': યુ.એસ.માં શ્રી દ્વારકાધિશ મંદિર, પાર્લિન, ન્‍યુજર્સી મુકામે ૧૦ માર્ચના રોજ ‘‘હોળી ઉત્‍સવ'': દોલોત્‍સવ ૩ માર્ચ શનિવારે ઉજવાશે

(દિપ્તીબેન જાની દ્વારા) ન્‍યુજર્સીઃ યુ.એસ.માં શ્રી દ્વારકાધિશ મંદિર, ૭૧૭, વોશીંગ્‍ટન રોડ, પાર્લિન ન્‍યુજર્સી મુકામે ૧૦ માર્ચ ૨૦૧૮ શનિવાર ના રોજ ‘‘હોળી ઉત્‍સવ'' ઉજવાશે. જેની ઉજવણી માટે સર્વે હોળી રસિયાઓને બાળકોને સાથે લઇને  આવવા વિનંતી કરાઇ છે. તથા મહાપ્રસાદનો લાભ લેવા અનુરોધ કરાયો છે.

સાંજે ૬ વાગ્‍યે હોળી પ્રાગટય થશે. શ્રીફળ તથા રંગ મંદિરમાંથી મળી શકશે. પાર્કીગની વ્‍યવસ્‍થા મિડલ સ્‍કૂલ વોશીંગ્‍ટન રોડ ઉપર કરવામાં આવી છે. રંગની એલર્જી અથવા રંગથી દૂર રહેવા માંગતી વ્‍યક્‍તિઓએ જાતે એ વિસ્‍તારથી દૂર રહેવું આ વિષયે મંદિરની કોઇ જવાબદારી રહેશે નહીં. તેમ જણાવાયું છે.

દોલોત્‍સવ ૩ માર્ચ શનિવારના રોજ ઉજવાશે.

વિશેષ વિગત માટે મંદિરનો રૂબરૂ અથવા કોન્‍ટેક નં.૭૩૨-૨૫૪-૦૦૬૧, અથવા ફેકસ ૭૩૨-૩૯૦-૪૦૩૮ દ્વારા અથવા ઇમેલ www.dwarkadhistemple.org દ્વારા સંપર્ક સાધવા જણાવાયું છે.

(10:58 pm IST)
  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST