Gujarati News

Gujarati News

News of Wednesday, 14th February 2018

અમેરિકા જેવા અમેરિકામાં પણ બીજા ધર્મમાં લગ્ન કરવામાં પડે છે મુશ્કેલી

અમેરિકામાં પણ આંતરધર્મીય લગ્નો પર વિવાદ

નવી દિલ્હી તા. ૧૪ : દરેક વેલેન્ટાઈન્સ ડે પહેલા લવ જિહાદના નારા ઉપડે છે. આપણને એમ થાય કે ભારતમાં જ બીજા ધર્મમાં લગ્ન કરવા માટે સંઘર્ષ કરવો પડે છે પરંતુ તમને જાણીને નવાઈ લાગશે કે અમેરિકા જેવા મોડર્ન દેશોમાં પણ બીજા ધર્મમાં લગ્ન કરવા પર હોહા મચી જાય છે. ગુજરાતના વતની અને છેલ્લા ચાર દાયકાથી યુ.એસમાં વસેલા દિલીપ અમીને ખાસ ઓનલાઈન ફોરમ શરૂ કર્યું છે. તેમાં આંતરધર્મીય લગ્ન કરનાર લોકોની સમસ્યાનો ઉકેલ આપવામાં આવે છે. તેમણે હાલમાં જ એક પુસ્તક પ્રકાશિત કર્યું છે જેમાં ૮૧ હિન્દુ, ખ્રિસ્તી, મુસ્લિમ, શીખ, જૈન અને પારસી યુવાનોની સંઘર્ષ કથા અને લવ સ્ટોરી છે. આ બધા જ યુવાનો યુ.એસ અને ભારતના છે.

સાન ફ્રાન્સિસ્કોમાં કેન્સર રિસર્ચર તરીકે કામ કરતા અમીન જણાવે છે, 'મેં ૨૦૦૮માં કરેલા સર્વેમાં યુ.એસમાં જ જન્મેલી હિન્દુ, જૈન, શીખોની બીજી પેઢીના ૯૧૦ લગ્નોનો અભ્યાસ હાથ ધર્યો હતો. તેમાંથી ૩૮ ટકા યુવાનોએ ખ્રિસ્તી, ઈસ્લામ કે યદૂદીઓમાં લગ્ન કર્યા છે.'

વ્યકિતગત અનુભવોએ અમિનને આંતરધર્મીય લગ્નો અંગે અભ્યાસ હાથ ધરવાની પ્રેરણા આપી. તેમણે છેલ્લા ૧૨ વર્ષમાં ૧૨૦૦થી વધુ લોકો સાથે વાતચીત કરી છે. તે જણાવે છે, 'રાજકીય એજન્ડા માટે પણ આંતરધર્મીય સંબંધોનો વિરોધ થતો હોય છે. તેને કારણે યુવાનો કે તેમના માતા-પિતા સમજી વિચારીને નિર્ણય નથી લઈ શકતા. મારા અનુભવના આધારે હું કહુ છું કે આવા કિસ્સામાં બંને પાત્ર વચ્ચે ચર્ચા-વિચારણાને સ્થાન, પાર્ટનરને તેનો ધર્મ પાળવાની છૂટ આપવી અને બાળકો કયો ધર્મ પાળશે તે નક્કી કરવાના પ્રશ્નો ઊભા થાય છે.' આમાંથી ઘણા અવલોકનો ભારતીય કેસોમાં લાગુ પડે છે.

અમીન જણાવે છે કે કપલ તેમની શ્રદ્ઘા અને આસ્થા અંગે પહેલેથી જ ચર્ચા કરી લે છે. તે સ્પષ્ટ કહે છે, 'જો આ મુદ્દા પર લગ્ન પહેલા ચર્ચા ન કરવામાં આવે તો સમસ્યાઓ વધુ મોટી થઈ શકે છે. આવા લગ્નોમાં ઘણા પડકારો છે પરંતુ તે સુંદર એટલા માટે છે કારણ કે તે માણસાઈ સાથે લોકોને જોડે છે. આમાં પાર્ટનરે સામી વ્યકિત પર પોતાના વિચારો થોપવાની કોશિશ ન કરવી જોઈએ. આવા સંબંધો એક સલાડ બાઉલ જેવા હોવા જોઈએ જેમા બધા જ પદાર્થો પોતાની ખાસિયત જાળવી રાખે છે.'અમીને જણાવ્યું કે, પાર્ટનરની કોઈ બીજા ધર્મમાં શ્રદ્ઘા છે તે મહત્વનું નથી, પરંતુ બંને વ્યકિતને એકબીજામાં શ્રદ્ઘા અને વિશ્વાસ હોય તે ખૂબ જ જરૂરી છે.(૨૧.૯)

(11:38 am IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST