Gujarati News

Gujarati News

News of Wednesday, 14th February 2018

BSE SME એકસચેન્જ પર લિસ્ટિંગ માટે આ વર્ષે ૧૦૦ કંપનીઓ આવવાની આશા

ઇન્ફ્રાસ્ટ્રકચર, ઓટોમોટિવ, લોજિસ્ટિક સર્વિસ વગેરે સેકટરની કંપનીઓનો સમાવેશ

મુંબઇ તા. ૧૪ :..  આ વર્ષે બીએસઇના એસએમઇ મંચ પર કમસે કમ ૧૦૦ જેટલી કંપનીઓ લીસ્ટિંગ માટે આવે એવી આશા છે. એકસચેન્જના ઉચ્ચ અધિકારીએ આ નિવેદન કર્યુ હતું. ગયા વર્ષે પપ કંપનીઓ આઇપીઓ લાવી આ એસએમઇ પ્લેટફોર્મ પર લીસ્ટ થઇ હતી. બીએસઇ એસએમઇ એકસચેન્જના હેડ અજય ઠાકરે જણાવ્યા મુજબ આ બાબત કંપનીઓનો વિશ્વાસ દર્શાવે છે અને રોકાણકારોનો રસ બતાવે છે.

 

અત્યારે બાવીસ કંપનીઓએ આ મંચ પર આવવા બીએસઇની મંજૂરી મેળવી લીધી છે, જયારે ૧૯ કંપનીઓ પાઇપલાઇનમાં છે. આ કંપનીઓ લોજિસ્ટક, ઓટોમેટિવ કમ્પોનન્ટસ, મીડિયા ફાર્મા હોસ્પિટલીટી ઇન્ફ્રાસ્ટ્રકચર વગેરે જેવા સેકટરમાંથી આવી રહી છે. જે આઇપીઓ મારફત ઊભી થનારી મૂડીનો ઉપયોગ વિસ્તરણ, વર્કીંગ કેપિટલ જેવા ઉપયોગ માટે કરશે.

માર્ચ ર૦૧ર માં બીએસઇએ આ પ્લેફોર્મ લોન્ચ કર્યુ ત્યારથી આ એકસચેન્જ પ્લેટફોર્મ પર કુલ રર૪ કંપનીઓ લીસ્ટેડ થઇ હતી. જેમાંથી ૪૪ કંપનીઓ મેઇન બોર્ડ પર શિફટ થઇ ગઇ છે. જેથી હાલમાં ૧૮૦ કંપનીઓ લીસ્ટેડ છે. આ કંપનીઓએ ૧૮૦૦ કરોડ રૂપિયાથી વધુ ભંડોળ આ માર્ગે ઊભું કર્યુ છે. (પ-૯)

 

 

(11:33 am IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST